ភ្នំពេញ ៖ យ៉ាងហោចណាស់ក៏មានយុវជនម្នាក់បានប្រកាច់ស្លាប់ភ្លាមៗ និង២នាក់ទៀតដែលជាអ្នករួមដំណើរជាមួយ បានរងរបួសធ្ងន់ ក្រោយពីមានហេតុការណ៍ បើកម៉ូតូបោលបុកបង្កៃដៃស្ពានអាកាសស្ទឹងមានជ័យយ៉ាងពេញទំហឹងនោះ។
ហេតុការណ៍គ្រោះថ្នាក់នេះបានកើតមានឡើងកាលពីវេលាម៉ោង២៣និង៣០នាទីថ្ងៃទី០៩ខែតុលា ឆ្នាំ២០១៥ នៅចំណុចក្បែរស្ពានអាកាសស្ទឹងមានជ័យ ផ្លូវ២៧១ សង្កាត់បឹងសាឡាង ខណ្ឌទួលគោក។
ជនរងគ្រោះត្រូវបានគេស្គាល់ទី១- ហ៊ាង ជីវ៉ា ភេទប្រុស អាយុ១៩ឆ្នាំ មុខរបរកម្មករ ស្នាក់នៅភូមិមានជ័យ សង្កាត់ស្ទឹងមានជ័យ ខណ្ឌមានជ័យ (ស្លាប់) ២-ចាន់ វីរៈ ភេទប្រុស អាយុ២០ឆ្នាំ មុខរបរ សិស្ស (រងបួសធ្ងន់) ៣-ជុំ សារ៉ា ជាតាក់ ភេទប្រុស ១៩ឆ្នាំ មុខរបរ មិនពិតប្រាកដ (រងរបួសធ្ងន់)
មន្ត្រីប៉ូលិសខណ្ឌទួលគោកបានឲ្យដឹងថា នៅមុនពេលកើតហេតុគេបានឃើញយុវជន៣ នាក់ខាងលើជិះម៉ូតូ MSX មួយគ្រឿង ពណ៌ស ពាក់ស្លាកលេខភ្នំពេញ 1FB-1510 ដោយជិះចុះពីលើស្ពានអាកាសស្ទឹងមានជ័យ ក្នុងល្បឿនយ៉ាងលឿន លុះមកដល់ចំណុចកើតហេតុ ដោយសារតែល្បឿនលឿន បានរេចង្កូតជ្រុលទៅបុកបង្កាន់ដៃស្ពានអាកាសស្ទឹងមានជ័យ យ៉ាងពេញទំហឹង បណ្ដាលឲ្យយុវជនដែលអ្នកបើកបរម៉ូតូហោះទៅបុកនឹងបង្កាន់ដៃស្ពានស្លាប់ភ្លាមៗ នៅនឹងកន្លែង រីឯយុវជន២នាក់ទៀត បានរងរបួសយ៉ាងធ្ងន់ធ្ងរ ហើយត្រូវរថយន្តសាមុយដឹកយកសង្គ្រោះនៅមន្ទីរពេទ្យ គីមសុង ។
បច្ចុប្បន្នសពកម្លាំងសមត្ថកិច្ចនគរបាលខណ្ឌបានប្រគល់ឲ្យក្រុមគ្រួសារយកទៅធ្វើបុណ្យទៅតាមប្រពៃណី។ ចំណែកម៉ូតូវិញត្រូវបានប៉ូលិសយកទៅរក្សាឲ្យនៅអធិការដ្ឋានខណ្ឌទួលគោក
ដើម្បីរង់ចាំបងប្អូនមកទទួលយកទៅវិញ៕
សង្ស័យស្រវឹងបើកម៉ូតូបោលបុកបង្កៃដៃស្ពានអាកាស ស្លាប់ម្នាក់របួសធ្ងន់២នាក់
0 Comments