ឧត្តរមានជ័យ ៖ លោកវរសេនីយ៍ទោហម ភិរម្យ អធិការនគរបាលស្រុកបន្ទាយអំពិលបានឲ្យដឹងថា កាលពីវេលាម៉ោង១៥និង១០នាទីរសៀលថ្ងៃទី១២ ខែតុលា ឆ្នាំ២០១៥ នៅភូមិសែនមនោរម្យ២ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ.មានករណីចង់.កធ្វើអត្តឃាតមិនបានសម្រេច នៅដីឡូត៍ក្រោយផ្ទះឈ្មោះម៉ៅ ម៉ាន(ហៅ សាក់)។
ជនរងគ្រោះឈ្មោះហៀន សុគន្ធី ភេទស្រីអាយុ៣៣ឆ្នាំ រស់នៅភូមិតាមាន់ សែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ ត្រូវប្តីជួយសង្គ្រោះ ដោយយកទៅមណ្ឌល សុខភាពគោកខ្ពស់។
លោកវរសេនីយ៍ទោហម ភិរម្យ អធិការនគរបាលស្រុកបានបន្តទៀតថា មូលហេតុ គឺខឹងប្ដីផឹកស៊ីបន្តិចបន្តួចកើតជាជម្លោះពាក្យសម្ដីគ្នាឈានដល់ការប៉ងធ្វើអត្តឃាតតែម្ដង៕
ខឹងប្ដីផឹកស៊ីបន្តិចបន្តួច ស្ត្រីជាប្រពន្ធរត់ទៅចង.កធ្វើអត្តឃាត
0 Comments