ស្វាយរៀង ៖ អាជ្ញាធរខេត្ត កងកម្លាំងប្រដាប់អាវុធ មន្ត្រីរាជការ សិស្ស និស្សិត និងប្រជាពលរដ្ឋ បានរួមគ្នាគោរពវិញ្ញាណក្ខន្ធសម្ដេចព្រះនរោត្តមសីហនុ និងរាប់បាត្រព្រះសង្ឃចំនួន១២០អង្គ។
ក្នុងនោះដែរ ប្រធានក្រុមប្រឹក្សាខេត្ត លោកអភិបាលខេត្ត និងលោកអភិបាលរងខេត្ត ក៏បានចូលរួមគោរពវិញ្ញាណក្ខន្ធ ព្រះករុណា ព្រះបាទសម្ដេចព្រះនរោត្ដម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ គម្រប់ខួប៣ឆ្នាំផងដែរ។
ពិធីគោរពវិញ្ញាណក្ខន្ធនេះបានធ្វើឡើងនៅព្រឹកថ្ងៃទី១៥ ខែតុលា ឆ្នាំ២០១៥ នៅសួនពោធិព្រឹក ស្ថិតក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង ខេត្តស្វាយរៀង។
សូមបញ្ជាក់ថា ព្រះករុណា ព្រះបាទនរោត្តម សីហនុ ព្រះបរមរតនកោដ្ឋ បានយាងចូលទិវង្គតនៅថ្ងៃទី១៥ ខែតុលា ឆ្នាំ២០១២ នៅក្រុងប៉េកាំង ប្រទេសចិន ជាទីដែលព្រះអង្គយាងទៅពិនិត្យ ព្រះរាជសុខភាព។ ព្រះអង្គយាងចូលទិវង្គតក្នុងព្រះជន្មាយុ៩០ព្រះវស្សា៕
មន្ត្រីរាជការ អាជ្ញាធរ កងកម្លាំងប្រដាប់អាវុធ សិស្ស និស្សិត និងប្រជាពលរដ្ឋ បានរួមគ្នាគោរពវិញ្ញាណក្ខន្ធសម្តេចព្រះនរោត្តមសីហនុ
0 Comments