ឧត្តរមានជ័យ ៖ កាលពីវេលាម៉ោង៣និង៣០នាទីថ្ងៃទី១៥ ខែតុលា ឆ្នាំ២០១៥ យុវជនម្នាក់ផឹកស្រវឹងខួប ជាប្រចាំ ហើយមានជំងឺសរសៃប្រាសាទទៀត បានឆ្លាតទៅដាក់ទ្រូ នៅឆ្ងាយពីភូមិ ស្រាប់តែជំងឺបានរើឡើងប្រកាច់ធ្លាក់ទឹកឈ្លក់ទឹកស្លាប់ ដោយខ្លួនឯង។
លោកវរសេនីយ៍ត្រីអិន កាយ អធិការនគរបាលស្រុកត្រពាំងប្រាសាទ បានឲ្យដឹងថា មានករណីលង់ទឹកស្លាប់ដោយខ្លួនឯង នៅភូមិស្រែកណ្តាល ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ជនរងគ្រោះឈ្មោះស៊ីម សា ភេទប្រុស អាយុ៣៧ឆ្នាំរស់នៅភូមិ ឃុំកើតហេតុខាងលើ ប្រពន្ធឈ្មោះលី វ៉ាង ភេទស្រីអាយុ៣៧ឆ្នាំរស់នៅជាមួយប្តី។
លោកវរសេនីយ៍ត្រីអិន កាយ អធិការនគរបាលស្រុកបានបន្តទៀតថា មូលហេតុជនរងគ្រោះជាមនុស្សស្រវឹងខួប ហើយមានជំងឺសរសៃប្រាសាទ បានទៅដាក់ទ្រូ ដោយជំងឺរើ ក៏ប្រកាច់ឈ្លក់ទឹកស្លាប់តែម្តងទៅ។
កម្លាំងជំនាញយើងបានចុះទៅត្រួតពិនិត្យ ដល់កន្លែងកើតហេតុ ឃើញថា ជនរងគ្រោះពិតជាមាន ជំងឺប្រកាច់ឈ្លក់ទឹកស្លាប់ម៉ែន ហើយសមត្ថកិច្ចយើង បានប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
បុរសម្នាក់ស្រវឹងខួបមានជំងឺសរសៃប្រាសាទ ហើយទៅដាក់ទ្រូដោយជំងឺរើ ក៏ប្រកាច់ឈ្លក់ទឹកស្លាប់
0 Comments