កាលពីថ្ងៃពុធម្សិលមិញនេះ ទីភ្នាក់ងារដឹកជញ្ជូនអាកាសចរណ៍សហព័ន្ធនិងក្រសួងការបរទេសរុស្ស៊ី បានធ្វើការច្រើនចោលទាំងស្រុងចំពោះលទ្ធផលនៃការស៊ើបអង្កេតដែលដឹកនាំដោយប្រទេសហុល្លង់ ជុំវិញការធ្លាក់យន្តហោះ MH17របស់ក្រុមហ៊ុនអាកាសចរណ៍ម៉ាឡេស៊ី។
លោកអូឡេក ស្ទ័រឆេវ័រ គឺជាអនុប្រធានទីភ្នាក់ងារដឹកជញ្ជូនអាកាសចរណ៍សហព័ន្ធ បានឆ្លើយតបនឹងលទ្ធផលនៃការស៊ើបអង្កេតដែលគេបានប្រកាសកាលពីថ្ងៃអង្គារដោយលោក អះអាងថា សេចក្តីរាយការណ៍មួយនេះ គឺជាកំហុសឆ្គងសុទ្ធសាធ។
លោកស្ទ័រឆេវ័រ បាននិយាយថា លោកសូមធ្វើការជំទាស់ជាដាច់ខាតចំពោះការសន្និដ្ឋាននៅក្នុងសេចក្តីរាយការណ៍ចុងក្រោយ ដោយសារតែសេចក្តីរាយការណ៍មួយនេះ គ្មានហេតុផលត្រឹមត្រូវទាល់តែសោះ ហើយវាងាយធ្វើមនុស្សភាន់ច្រឡំចំពោះមូលដ្ឋានពិតប្រាកដ ឈរពីក្រោយការវិភាគលើទិន្នន័យរបស់ពួកគេ។
ថ្វីត្បិតតែច្រានចោលនូវសេចក្តីរាយការណ៍បែបណាក្តី លោកស្ទ័រឆេវ័រ បានបញ្ជាក់ថា រុស្ស៊ីនៅគាំទ្រការសន្និដ្ឋានថា អ៊ុយក្រែនគួរតែទទួលខុសត្រូវ សម្រាប់កាលដែលមិនបិទដែនអាកាសពីលើតំបន់សង្គ្រាម ចំពោះយន្តហោះដឹកអ្នកដំណើរ។
ខណៈនោះដែរ ក្រសួងការបរទេសរុស្ស៊ី បានធ្វើសន្និសីទកាសែតផងដែរ ស្តីពីការស៊ើបអង្កេតដែលបានអះអាងថា គ្រាប់មីស៊ីលដែលបានបាញ់យន្តហោះ MH17គឺជាប្រភេទមីស៊ីល ដែលបានផលិតឡើងនៅក្នុងប្រទេសរុស្ស៊ី៕
រុស្ស៊ីច្រានចោលលទ្ធផលការស៊ើបអង្កេតរបស់ក្រុមអាជ្ញាធរហុល្លង់ ជុំវិញការធ្លាក់ យន្តហោះ MH17របស់ក្រុមហ៊ុនអាកាសចរណ៍ម៉ាឡេស៊ី
0 Comments