ភ្នំពេញ ៖ បន្ទាប់ពីបានបញ្ចេញនូវភាពក្លាហានហ៊ានថតរូបស្រាតចែកចាយក្នុងសង្គមហ្វេសប៊ុកបានធ្វើឲ្យកេរ្តិ៍ឈ្មោះរបស់កញ្ញា បេននី យ៉ាំង បានលោតឡើងខ្ពស់ក្នុងវិថីសិល្បៈ តែក៏មានការរិះគន់បានធ្វើឲ្យតារារូបនេះបាក់មុខ មិនតិចទេរហូតពេលខ្លះនាងប្រកាសដកថយពីការស្លៀកពាក់បែបសិចស៊ីវិលមកជានារីស្រគត់ស្រគំផងដែរ។
ពាក់ព័ន្ធនឹងការរិះគន់ទាំងនេះ កញ្ញា បេននី យ៉ាំង បានប្រាប់ថា មានពាក្យរិះគន់ជាច្រើនចំពោះរូបថតសិចស៊ីទាំងនេះ តែក្រោយពីមានការធ្លាយចេញរូបថតទាំងនេះគេក៏បានស្គាល់ច្រើនឯការងារវិញក៏ហូរចូលច្រើនផងដែរ។
ទោះបីមានការលើកឡើងពីរូបថតស្ទើរអាក្រាតកាយទាំងនេះក៏បេននី យ៉ាំង ពេលនេះមានទ្រព្យធនធូរធារវិញហើយ បែរជាប្រកាសចុះញ៉មចំពោះពាក្យរិះគន់ទាំងនោះដោយប្រកាសវិញថា ចាប់ពីពេលនេះតទៅនាងនិងប្រកាន់យកនូវការស្លៀកពាក់បែបជានារីខ្មែរស្រគត់ស្រគំវិញដែរ។
ដោយឡែកនាងបានឲ្យដឹងទៀតថា ពីមុនធ្លាប់បានអួតមែន ក្រោយពីមានរូបភាពសិចស៊ីទាំងនោះ ធ្លាប់ចែកចាយក្នុងសង្គមហ្វេសប៊ុកក្រោយពីទីផ្សារសិល្បៈរត់ចូលមកដូចទឹកបាក់ទំនប់ ស្ទើរតែរកពេលសម្តែងឲ្យគេមិនចង់បានការងារសិល្បៈច្រើនពេកទេ ហើយក៏មិនបានរងនូវពាក្យរិះគន់ពីនរណាដែរ។
ក្នុងវ័យ២៦ឆ្នាំ បេននី យ៉ាំង ត្រូវបានទស្សនិកជនចាប់អារម្មណ៍ពេលដែលចាប់ផ្តើមសិចស៊ី ចំហដើមទ្រូង ខណៈនាងចូលសិល្បៈក៏ច្រើនឆ្នាំដែរ តែមិនត្រូវបានគេស្គាល់ថាពីរឿងធ្លាក់កូដ ព្រោះមិនបានគិតទាល់តែសោះ។ ឆ្លើយនិងសំណួរថា បើសិននាងប្រកាសប្តូរឥរិយាបថពីភាពសិចស៊ីមកស្រគត់ស្រគំវិញ មិនខ្លាចធ្លាក់ប្រជាប្រិយភាពវិញទេឬ? នាងនិយាយថា រឿងធ្លាក់កូដនោះ ខ្ញុំមិនបានគិតទេ។ ប៉ុន្តែយ៉ាងណាធ្វើជាតារាមានប្រជាប្រិយភាពក៏ផ្តល់ផលវិបាកដល់ខ្ញុំដែរ ដឹងស្រាប់ហើយ ពេលនេះសុខភាពរបស់ខ្ញុំមិនសូវល្អ ធ្វើការច្រើនហត់។ ដូចកាលពីថ្ងៃមុន ដោយសារថតច្រើនក៏ចូលពេទ្យដែរ អ៊ីចឹងហើយទើបនាងខ្ញុំមិនចង់ចូលពេទ្យច្រើនដែរ។
ទាក់ទងនឹងការរិះគន់ដល់បេននី យ៉ាំង ពេលនេះនាងបានធ្វើការកែលំអ ពីព្រោះនាងមិនចង់ឲ្យមានរឿងអាស្រូវបន្តទៀតដែរ បើសិននៅតែមានការរិះគន់ពីការស្លៀកពាក់របស់នាងតទៅទៀត នាងថានិងឈប់ស្លៀកពាក់និងឈប់ថតសិចស៊ីទៀតហើយ៕
បេននី យ៉ាំង លើកទង់ស
0 Comments