កាលពីថ្ងៃពុធកន្លងទៅ លោក Rafa Benitez បានបង្ហាញវត្តមានរបស់លោកក្នុងបទសម្ភាសន៍ជាមួយស្ថានីយវិទ្យុអេស្ប៉ាញ Onda Cero ជាពេលដែលលោកបង្កពាក្យសំដីជាមួយលោក Sam Allardyce ដែលបានលើកឡើងថា អតីតកីឡាករ Jamie Carragher មិនបានដឹងទាល់តែសោះពីរឿងរ៉ាវដែលក្លិប Liverpoolប៉ុនប៉ងចុះហត្ថលេខាទិញយកកីឡាករ Gareth Baleហើយគ្រូបង្វឹកសញ្ជាតិអេស្ប៉ាញម្នាក់នេះ បានធ្វើការរិះគន់ផងដែរ ចំពោះក្លិប Inter Milanសម្រាប់ការដែលមិនធ្លាប់គាំទ្ររូបលោកសោះ ពេលដែលលោកស្នងតំណែងពីលោក Jose Mourinho។
នៅពេលសួរនាំពាក្យព័ន្ធនឹងការរិះគន់ពីអ្នកចាត់ការថ្មីរបស់ក្លិប Sunderlandគឺលោក Allardyce លោក Benitez បាននិយាយប្រាប់អ្នកធ្វើបទសម្ភាសន៍ថា អ្នករាល់គ្នាមានដឹងថា លោក Sam Allardyce គឺជានរណាទេ? តើអ្នកមានដឹងថា តើជើងឯកបាល់ទាត់ប៉ុន្មានហើយដែលគាត់ធ្លាប់ឈ្នះ? នោះហើយគឺជាចម្លើយរបស់លោក។ នោះហើយគឺជាអ្វីដែលបានកើតឡើង នៅពេលណាពេលដែលនរណាម្នាក់ មានសៀវភៅលក់។ សំដីរបស់លោកគ្មានតម្លៃច្រើននោះទេ។
ជាការឆ្លើយតបនឹងការលើកឡើងថា លោកបានមើលស្រាលកីឡាករ Bale ខណៈពេលដែលនៅគ្រប់គ្រងក្លិបហង្សក្រហម Liverpoolលោក Benitezបាននិយាយថា លោក Carragheបានបង្កកំហុសមួយដែលហ៊ាននិយាយបែបនេះ ហើយជាការពិតណាស់ថា លោកចង់ទិញកីឡាករ Baleពិតប្រាកដមែន តែកាលនោះ អំឡុងឆ្នាំ២០០៦ក្លិប Spursកាត់ថ្លៃខ្ពស់ខ្លាំងពេក៕
លោក Rafa Benitez បង្កសង្គ្រាមពាក្យសំដីជាមួយអ្នកចាត់ការថ្មីក្លិប Sunderland
0 Comments