បាត់ដំបង ៖ កម្លាំងកងរាជអាវុធហត្ថស្រុកសំពៅលូនបានធ្វើការឃាត់ខ្លួនជនសង្ស័យម្នាក់ជាមួយនឹងថ្នាំញៀន១សុង ស្មើនឹង២ពាន់គ្រាប់នៅវេលាម៉ោង៩និង១៥នាទីព្រឹកថ្ងៃទី៧ ខែតុលា ឆ្នាំ២០១៥ នៅចំណុចបេងត្រេត ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។
ជនសង្ស័យឈ្មោះសុខ ធា ភេទប្រុស អាយុ៣០ឆ្នាំ មុខរបរមិនពិតប្រាកដ មានលំនៅភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ត្រូវបានសមត្ថកិច្ចឃាត់ខ្លួន ដោយចោទពីបទជួញដូរគ្រឿងញៀនប្រភេទយ៉ាម៉ាគ្រាប់។ នៅក្នុងនោះដែរ សមត្ថកិច្ច បានដកហូតថ្នាំញៀនប្រភេទយ៉ាម៉ា១សុង(១០កញ្ចប់) ស្មើនឹង២ពាន់គ្រាប់។
បច្ចុប្បន្នសមត្ថកិច្ចកងរាជអាវុធហត្ថស្រុកសំពៅលូនកំពុងរៀបចំកសាងសំណុំរឿងដើម្បីបញ្ជូនមកកាន់ការិយាល័យជំនាញខេត្ត និងកំពុងស្រាវជ្រាវបន្តស្វែងរកបក្ខពួកផ្សេងទៀត៕
ឃាត់ខ្លួនជនសង្ស័យម្នាក់ជាមួយថ្នាំញៀន១សុងស្មើនឹង២ពាន់គ្រាប់
0 Comments