ភ្នំពេញ ៖ រនាំងដែកពុះចែកទ្រូងផ្លូវចំនួន៧ផ្ទាំង ត្រូវបានរថយន្តមួយគ្រឿង ដែលគេមិនស្គាល់ម៉ាកនិងចាំស្លាកលេខ បានបើកមកបុកទាំងកម្រោល រួចបើករត់បាត់ស្រមោលសូម្បីតែសមត្ថកិច្ចក៏មិនដឹងដែរទោះបីរថយន្តនោះមានការខូចខាតយ៉ាងដំណំក៏ដោយ ក៏នៅតែព្យាយាមបើកគេចបានដែរ។
ហេតុការណ៍នេះបានកើតឡើងកាលពីវេលាម៉ោង៤ និង១៥នាទីទៀបភ្លឺព្រឹកថ្ងៃទី៣១ថែតុលាឆ្នាំ២០១៥នៅតាមបណ្ដោយផ្លូវសហព័ន្ធរុស្ស៊ីមុខភូមិប៉ប្រកខាងត្បូងសង្កាត់កាកាប ខណ្ឌពោធិ៍សែនជ័យ។
ចំពោះករណីនេះគ្មានអ្នកណាម្នាក់បានស្គាល់រថយន្តបង្កនោះទេ គ្រាន់តែគេឃើញបុករួចក៏បន្តបើកទៅមុខបាត់តែម្ដង សូម្បីតែសមត្ថកិច្ចមូលដ្ឋានក៏មិនដឹងផង តែរថយន្តនោះគេឃើញមានការខូចខាតផ្នែកខាងមុខយ៉ាងដំណំ។
ប្រភពពីកន្លែងកើតហេតុបានបន្ដថា មុនពេលកើតហេតុគេឃើញរថយន្តប្រភេទទេសចរគ្រួសារមួយគ្រឿងពណ៌ខ្មៅបានបើកបរធ្វើដំណើរក្នុងទិសដៅ ពីកើតទៅលិចលុះមកដល់ចំណុចកើតហេតុរថយន្តនេះបានរេចង្កូតទៅបុករះរនាំងដែកដួលរាបដល់ដីអស់ចំនួន៧ផ្ទាំង ភ្លាមៗនោះរថយន្តបង្កបានបន្តបើកទៅមុខដោយមិនបានឈប់បង្អែបង្អង់យូរឡើយ៕
រថយន្តមួយគ្រឿងបើកបុករនាំងដែកបាក់អស់៧ផ្ទាំងរួចរត់បាត់
0 Comments