ត្បូងឃ្មុំ ៖ សមត្ថកិច្ចជំនាញសហការជាមួយនគរបាលមូលដ្ឋានបានឃាត់ខ្លួនជនល្មើសបុរសជាប្ដី ស្រវឹងស្រាជោគ បន្ទាប់ពីប្រពន្ធបានស្ដីបន្ទោសក៏ទាញកាំបិតបុ័ងតោពណ៌ស កាប់ប្រពន្ធរបស់ខ្លួន បណ្ដាលឲ្យរងរបួសចំនួន៦ថ្នេរល្ងាចថ្ងៃទី១៤ ខែតុលា ឆ្នាំ២០១៥នៅចំណុចផ្ទះជនរងគ្រោះស្ថិតក្នុងភូមិពោធិ៍រោង ឃុំអញ្ចើម ស្រុក/ ខេត្តត្បូងឃ្មុំ។
លោកវរសេនីយ៍ត្រីឡុង សារិនប្រធានវេនប្រចាំបញ្ជាវេនក្រុមទី១នៃនគរបាលស្រុកត្បូងឃ្មុំបានឲ្យដឹងថា បន្ទាប់ពីទទួលបានពាក្យបណ្ដឹងរបស់ជនរងគ្រោះភ្លាមពីករណីប្រើហិង្សាដោយចេតនា (ក្នុងគ្រួសារ) នេះបង្កឡើងដោយជនល្មើសជាប្ដីឈ្មោះធី ដែន ភេទប្រុស អាយុ៣២ឆ្នាំមានទីលំនៅភូមិឃុំ កើតហេតុខាងលើបានធ្វើសកម្មភាពកាប់ប្រពន្ធឈ្មោះហាយ ឆាន អាយុ៣៣ឆ្នាំមានមុខរបរជាអ្នកលក់សាច់ជ្រូក បច្ចុប្បន្នរស់នៅជាមួយប្ដីបណ្ដាលឲ្យរងរបួសប្រអប់ដៃឆ្វេងចំនួន៥ថ្នេរ និងរបួសក្បាលផ្នែកខាងក្រោយចំនួន១ថ្នេរផងដែរ។ ក្រោយពេលកើតហេតុត្រូវបានបងប្អូនជិតខាងដឹកយកទៅសម្រាកព្យាបាលនៅមណ្ឌលសុខភាពឃុំអញ្ចើម ហើយជនល្មើសសមត្ថកិច្ចបានឃាត់ខ្លួនបញ្ជូនទៅអធិការដ្ឋាននគរបាលស្រុកត្បូងឃ្មុំចាត់ការទៅតាមនីតិវិធី។
យោងតាមប្រភពព័ត៌មានជុំវិញកន្លែងកើតហេតុបានឲ្យដឹងថា មុនពេលកើតហេតុជនរងគ្រោះជាប្រពន្ធបានដើរប្រមូលលុយថ្លៃលក់សាច់ជ្រូកក្នុងភូមិ លុះពេលមកដល់ផ្ទះឃើញប្ដីស្រវឹងស្រាក៏ស្ដីបន្ទោសដោយពាក្យមិនសមរម្យ ភ្លាមនោះប្ដីខឹងក៏ទាញកាំបិតបុ័ងតោពណ៌សកាប់ទៅលើប្រពន្ធ បណ្ដាលឲ្យរងរបួសដៃ និងរបួសក្បាល ខណៈនោះជនរងគ្រោះបានរត់ចេញពីកន្លែងកើតហេតុឲ្យអ្នកជិតខាងដែលនៅជិតនោះជួយ។
ករណីហិង្សាដោយចេតនានេះជំនាញបានកសាងសំណុំរឿង ដើម្បីបញ្ជូនទៅសាលាដំបូងខេត្ត អនុវត្តន៍ទៅតាមមាត្រានៃច្បាប់៕
ស្រវឹងជោកជាំខឹងប្រពន្ធស្ដីបន្ទោសយកបុ័ងតោមកកាប់
0 Comments