ភ្នំពេញ ៖ នៅវេលាម៉ោង៧ព្រឹកថ្ងៃទី១ ខែវិច្ឆិកា ឆ្នាំ២០១៥នេះ មានករណីគ្រោះថ្នាក់ចរាចរណ៍មួយនៅតាមបណ្ដោយផ្លូវ២៧១ មុខខ្លោងទ្វារវត្តដំបូកខ្ពស់ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ បង្កឡើងដោយម៉ូតូម៉ាកសង់ ពណ៌ខ្មៅពាក់ស្លាកលេខភ្នំពេញ1CV-9853បានបើកចេញពីវត្តដំបូកខ្ពស់មកបុកជាមួយម៉ូតូ១គ្រឿងទៀតម៉ាកស្មាស់ពណ៌ខ្មៅពាក់ស្លាកលេខភ្នំពេញ1D-2131បណ្ដាលឲ្យជនរងគ្រោះ ដែលជិះម៉ូតូស្មាស់រងរបួសបែកក្បាលខាងក្រោយសន្លប់ស្ដូកស្ដឹង។
សេចក្ដីរាយការណ៍បានឲ្យដឹងថា មុនពេលកើតហេតុគេឃើញម៉ូតូ ស្មាស់ធ្វើដំណើរតាមផ្លូវ២៧១ក្នុងទិសដៅពីមន្ទីរពេទ្យរុស្ស៊ីមកក្បាលថ្នល់។ ចំណែក ម៉ូតូសង់សេ១២៥បានបើកចេញពីសង្កាត់បឹងទំពុនតាមវត្តដំបូកខ្ពស់ឆ្ពោះទៅផ្លូវ២៧១ ក៏បុកជាមួយម៉ូតូស្មាស់បណ្ដាលឲ្យមានហេតុការណ៍បែបនោះតែម្ដង៕
ម៉ូតូសង់ព្រលះជាមួយម៉ូតូស្មាស់ បណ្ដាលឲ្យអ្នកជិះម៉ូតូស្មាស់សន្លប់ស្ដូក
0 Comments