ដោយបានប្រើប្រាស់កីឡានិងភាពល្បីល្បាញរបស់ខ្លួនជាឥទ្ធិពលវិជ្ជមានមួយ ជើងឯកប្រដាល់ជនជាតិហ្វីលីពីនលោក ម៉ានី ប៉ាក់គីអាវ ត្រូវបានគេផ្តល់កិត្តិយសដោយប្រគល់ពានរង្វាន់ជា ជនឆ្នើមដែលធ្វើឲ្យមានការផ្លាស់ប្តូរនៅតំបន់អាស៊ីប្រចាំឆ្នាំ២០១៥ នៅក្នុងទីក្រុងញូវយ៉កកាលពីយប់ថ្ងៃអង្គារកន្លងទៅនេះ។
ប៉ាក់គីអាវបាននិយាយថា “ខ្ញុំពិតជាអរគុណខ្លាំងណាស់និងមានសេចក្តីសោមនស្សរីករាយជាខ្លាំង ដោយសារតែទទួលបានពានរង្វាន់នេះ”។
លោក Michael Koncz ទីប្រឹក្សារបស់ប៉ាក់គីអាវបាននិយាយថា “គាត់មានមោទនភាពជាអនេក ក្នុងការទទួលបានពានរង្វាន់នោះ។ វាល្អសម្រាប់គាត់។ វាល្អសម្រាប់ប្រទេសគាត់។ វាល្អសម្រាប់ប្រជាជនហ្វីលីពីនទាំងអស់”។
ពានរង្វាន់នេះក៏បានផ្តល់នូវមុខមាត់ដល់អង្គការ Asia Society ផងដែរ ដោយត្រូវបានគេនិយាយថា ពាននេះបានជ្រើសរើសជាកិត្តិយស តាមរយៈការស្ទង់មតិរបស់ក្រុមមេដឹកនាំពិភពលោកជាង១០០០នាក់ ដែលជាមនុស្សជំរុញឲ្យពិភពលោកធ្វើអ្វីមួយដែលខុសប្លែកពីគ្នា។
កាលពីឆ្នាំមុន មហាសេដ្ឋីចិនគឺលោក ជែក ម៉ា ជាអ្នកជំនួញដែលនៅពីក្រោយក្រុមហ៊ុន Alibaba ក៏បានទទួលពាននេះដែរ។
ដូចជាប៉ាក់គីអាវដែរ លោកម៉ាត្រូវបានគេជ្រើសរើស ដោយសារសកម្មភាពប្រព្រឹត្តិនិងភាពសប្បុរសចំពោះមនុស្សជាតិរបស់គាត់។
ជ័យលាភីពេលកន្លងផ្សេងៗទៀតរួមមាន អ្នកស្រី ម៉ាឡាឡា យ៉ូស៊ាប់ហ្សាយ ជាសកម្មជនស្ត្រីមកពីប្រទេសប៉ាគីស្ថាន និងសហគ្រិនសង្គមជនជាតិហ្វីលីពីន អ៊ីឡាក់ ដេហ្ស៍ ដោយសារកម្មវិធី Liter of Light របស់គាត់។
ខណៈពេលជួបជាមួយអង្គការ Asia Society ប៉ាក់គីអាវមានពេលតែប៉ុន្មាននាទីប៉ុណ្ណោះ ដើម្បីមើលការតាំងពិព័រណ៍ Philippine Gold នៅក្នុងសារមន្ទីរ Asia Society។ ប៉ាក់គីអាវ នឹងចាប់ផ្តើមការដេញថ្លៃក្នុងព្រឹទ្ធសភានាពេលឆាប់ៗនេះ ដោយបានថ្លែងថា នេះជារឿងតែមួយគត់ក្នុងចិត្តគាត់។
ប៉ាក់គីអាវបានបន្តទៀតថា “ការផ្លាស់ប្តូរនឹងជួយកាត់បន្ថយភាពក្រីក្រ និងកាត់បន្ថយបទល្មើសផងដែរ”។
ហើយគាត់កំពុងតែធ្វើការហោះហើរទៅកាន់ប្រទេសហ្វីលីពីនវិញក្នុងថ្ងៃពុធ ដើម្បីដាក់វិញ្ញាបនបត្រ (COC) របស់គាត់ សម្រាប់ជាបេក្ខភាពប្រកាសព្រឹទ្ធសភាមួយរូប៕
កីឡាករម៉ានី ប៉ាក់គីអាវ ទទួលបានពានរង្វាន់ជាជនឆ្នើមដែលធ្វើឲ្យមានការផ្លាស់ប្តូរនៅតំបន់អាស៊ីប្រចាំឆ្នាំ២០១៥
0 Comments