ភ្នំពេញ ៖ បន្ទាប់ពីបែកបាក់ជាមួយលោកផ្កាយ២ ត្រូវបានគេសន្និដ្ឋានថា អាចនឹងដើរផ្លូវខុស ហើយត្រូវវិលត្រឡប់មករកអាជីពចាស់វិញជាមិនខាន ព្រោះគូស្នេហ៍ថ្មីមិនផ្គាប់ចិត្តនាងគ្រប់យ៉ាង ដូចលោកធំមុនទេ។ ប៉ុន្តែក្រោយពីតែលតោលជាង១ឆ្នាំនេះ នៅតែមិនឃើញនាងសូលីកា វិលរកឆ្នាំងចាស់វិញទេ ហើយសុខចិត្តបន្តរស់នៅលាក់មុខដដែល។
ពេជ្រ សូលីកា ពេលនេះខុសពីមុន គេតែងសង្កេតឃើញនាងជិះឡានតាក់ស៊ីជាញឹកញាប់ខុសពេល២-៣ឆ្នាំមុន អតីតតារារូបនេះ តែងតែមានអង្គរក្សហែហមតាមការពារដល់ឆាកតន្ត្រីហើយនាងលេងខ្លួនដូចជាជំទាវតូចអ៊ីចឹង ហើយទៅណាមកណាជិះឡានថ្លៃៗមាន Lexus Lx570 និង Lexus Ls 460 តម្លៃជាង១០ម៉ឺនដុល្លារ។
គួររំលឹកថា ភាពហ៊ឺហារបស់នាងសូលីកា ប្រៀបបានក្តីសុបិន ព្រោះគ្រាន់តែបែកបាក់ស្នេហ៍លោកផ្កាយ២ភ្លាម សូលីកា វេចបង្វេចចេញពីវីឡាដ៏ស្កឹមស្កៃតម្លៃ១លានដុល្លារក្បែរវិទ្យាល័យឥន្ទ្រទេវី ទាំងទឹកភ្នែក ហើយឡានទំនើបៗដែលនាងធ្លាប់ជិះនោះត្រូវបានដកហូតអស់។
តាមប្រភពពីអ្នកស្គាល់នាងសុំមិនបញ្ចេញឈ្មោះបានឲ្យដឹងថា សូលីកា នាងឈឺចាប់ជាខ្លាំង ព្រោះបានរងនូវភាពអាម៉ាស់ចំពោះមិត្តភក្តិដោយសារស្រីស្នេហ៍ថ្មីលោកផ្កាយ២ក៏ជាតារាម្នាក់ដែរ បានធ្វើឲ្យនាងខ្ទាតចេញទាំងមិនគួរឲ្យជឿបែបនេះ។ អ្វីដែលរឹតតែពិបាកប្រឈមនោះ គឺនាងមិនមានឡានជិះ និងសល់ទ្រព្យអ្វី ពីអតីតគូស្នេហ៍ទុកឲ្យឡើយ។ ទោះពេជ្រ សូលីកា កំពុងរងវិបត្តិស្នេហ៍ដ៏ធ្ងន់ធ្ងរ ឈាមកកក្នុងបេះ ដូងក៏ដោយតែក៏មានព័ត៌មានថា បេះដូងនាងត្រូវបានប្រុសថ្មីជួយព្យាបាលរបួស។
ប្រភពនោះបន្តទៀតថា បុរសនោះក៏ជាអ្នកមានទ្រព្យដែរ តែមិនដល់លោកផ្កាយ២ដែរ បានជាបណ្តោយឲ្យនាងពេជ្រ សូលីកា ជិះតែតាក់ស៊ី។
គួររំលឹកថា គេសង្កេតឃើញពេជ្រ សូលីកា កំពុងរស់នៅផ្ទះល្វែង១ជុងជាមួយស្នេហ៍ថ្មីនៅបុរី១ខ្នងម្តុំទួលគោក មិនឆ្ងាយពីវីឡាអ្នកនាងយុគ ចិន្តា នោះទេ។ មានក្រុមតារាជាច្រើនបានខ្សឹបខ្សៀវគ្នាថា ពេជ្រ សូលីកា ក្រោយធ្លាក់កាលីប ប្រាកដជាអាចវិលត្រឡប់មករកឆ្នាំងចាស់ ព្រោះបានរួចផុតពីទ្រុងស្នេហ៍លោកផ្កាយ២។ ដោយឡែកការទន្ទឹងរង់ចាំមើលពីទស្សនិកជនថា តើនាងពេជ្រ សូលីកា ចូលផលិតកម្មណា ព្រោះតែមិនឃើញលេចមុខនៅទ្រនំណាទេ រយៈពេល១ឆ្នាំនេះ គឺសូលីកា នៅតែបន្តលាក់មុខដដែល។
គួររំលឹកឡើងវិញថា ការវិលមករកសិល្បៈឡើងវិញ អ្នកគាំទ្រនាងជឿថា សូលីកា អាចស្តារកេរ្តិ៍ឈ្មោះល្បីវិញបានដោយសារនាងមានអំណោយផលទាំងរូបសម្រស់ និងទឹកដមសំឡេងផងដែរ៕
ពេជ្រ សូលីកានៅមិនទាន់លេចមុខ
0 Comments