មូលហេតុដែល ​​អ្នកផឹកស្រា​​ជោកជាំ​ តែងតែ​ជក់បារី

ចំពោះ​មនុស្ស​​ភាគច្រើន​ណាស់ ផឹកស្រា និង​ជក់បារី ប្រព្រឹត្ដ​ទៅ​​រួមជាមួយ​គ្នាតែម្ដង ប៉ុន្ដែ​​ការ​សិក្សា​ស្រាវជ្រាវ​ថ្មី​អាច​លើកយក​មកបង្ហាញ​ឲ្យ​ឃើញ​បាន​ថា តើ​ហេតុអ្វី?

ដោយ​សរសេរ​ចុះផ្សាយ​នៅក្នុង​ព្រឹត្ដិបត្រ​​ Journal of Neurochemistry នោះ ក្រុមអ្នកស្រាវ​ជ្រាវ​មកពីសាកលវិទ្យាល័យ​​ University of Missouri School of Medicine បានរកឃើញ​​ថា ជាតិ​នីកូទីន លុបចោល​ឥទ្ធិពល​​នៃសារ​​ជាតិ​អាល់កុល​ដែលធ្វើ​ឲ្យ​ងងុយដេក។

កា​រសិក្សា​ស្រាវជ្រាវ​កាលពីមុន​វិញ បាន​បង្ហាញ​ឲ្យ​ឃើញថា មាន​ដល់ទៅ​៨៥ភាគរយ​នៃ​អ្នកញៀន​នឹងសុរា​ជនជាតិ​អាេមរិកាំង ដែល​ជាមនុស្ស​​ចាស់។

បើតាម​ការ​លើកយកមក​បកស្រាយ​ដោយ​បណ្ឌិត​សាស្ដ្រាចារ្យ Mahesh Thakkar PhD associate professor និង​ជានាយក​នៃ​ផ្នែកស្រាវ​ជ្រាវ​នៅ MU School of Medicine’s Department ផ្នែក​ប្រសាទ​វិទ្យា និង​ជា​អ្នក​ដឹកនាំ​ការ​ស្រា​វជ្រាវ​នេះ​វិញ លោក​បានមានប្រសាសន៍​ថា យើងដឹងហើយ​ដែលថា មនុស្ស​ភាគច្រើន​ដែល​ផឹក​សុរា ក៏ប្រើប្រាស់​សារ​ជាតិ​នីកូទីន រួម​ពេល​តែមួយ​ជាមួយគ្នា​ផងដែរ ប៉ុន្ដែយើង​មិន​ដឹង​ទេថា អ្វី​ដែលជាការ​ពិតបំផុតដែលនាំ​ឲ្យ​​កើត​មាន​​យ៉ាង​ដូច្នេះ។

យើង​បាន​រកឃើញ​ថា នីកូទីន ធ្វើ​ឲ្យ​ធ្លាក់​ចុះ​​ខ្សោយ​នៃ​ប្រសិទ្ធភាព​ដែលនាំ​ឲ្យ​ងងុយ​ដេក ដោយ​សារ​តែជាតិ​ស្រវឹង ដោយវា​ទៅ​ភ្ញោច​ដល់​តំបន់​មួយ​នៃ​ខួរក្បាល​ដែលត្រូវ​បាន​ស្គាល់ថា ជា​តំបន់ basal forebrain។ ដោយ​ដឹងពី​អត្ដ​សញ្ញាណ​នៃប្រតិកម្ម​ដែលកើត​មាន​ពេល​ដែល​មនុស្ស​ជក់បារី​ ហើយផឹកទាំងសុរា​នោះ យើង​អាច​​ប្រើប្រាស់​​កា​រយល់ដឹង​​នេះដើម្បី​ជួយ​ទប់​​ស្កាត់​បាន​ការញៀនសុរា​ និង​បារីតែម្ដង។

ការ​ស្រាវ​ជ្រាវ​មុនដំបូង​របស់លោក Thakkar បានបង្ហាញឲ្យ​ឃើញថា ជាតិនីកូទីនជាមួយ​នឹង​​ការភ្ញោច​ដោយជាតិ​អាល់​កុល ​ជាការលើក​ទឹក​ចិត្ដ​​ផ្ដល់រង្វាន់​ឲ្យខួរក្បាល​ ប៉ុន្ដែ​ការ​សិក្សាស្រាវ​ជ្រាវ​ថ្មីវិញ​ បង្ហាញឲ្យ​ឃើញ​នូវ​ទំនាក់​ទំនង​ជា​​​និមិត្ដ​រូប​រវាង​​សារជាតិ​ទាំងពីរ​មុខ​នេះតែម្ដង។

អង្គការ​សុខភាព​ពិភពលោក​សន្មត​ជាលទ្ធ ផល​ថា មាន​ស្លាប់ដល់ទៅ​៧លាននាក់ ក្នុង​រៀង​រាល់​ឆ្នាំ​ កើត​មានចំពោះ​​អ្នកប្រើប្រាស់​ (ផឹក​ស្រា ជក់បារី) សារ​ជាតិ​អាល់​កុល និង​នីកូទីន៕

VOA

មូលហេតុដែល ​​អ្នកផឹកស្រា​​ជោកជាំ​ តែងតែ​ជក់បារី