ភ្នំពេញ ៖ នៅថ្ងៃទី៣១ ខែតុលា ឆ្នាំ២០១៥នេះ លោកជំទាវ ពេជ ចន្ទមុន្នី ហ៊ុន ម៉ាណែតបាននាំយកថវិកាចំនួន៤លានរៀល ដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ឧបត្ថម្ភជូនស្ត្រីឈ្មោះគីម ហេង អាយុ ឆ្នាំ មុខរបរជាកម្មការិនីបម្រើការងារនៅរោងចក្រកាត់ដេររស់នៅស្រុកខ្សាច់កណ្ដាល ខេត្តកណ្ដាល ដែលមានជំងឺបេះដូងប្រហោងធ្ងន់ធ្ងរ ហើយត្រូវបានទទួលការព្យាបាលការវះកាត់ដោយជោគជ័យរួចផុតពីសេចក្តីស្លាប់ពីសំណាក់ក្រុមគ្រូពេទ្យជំនាញនៃសមាគមគ្រូពេទ្យស្ម័គ្រចិត្តយុវជនសម្តេចតេជោ និងមន្ទីរពេទ្យកាល់ម៉ែត។
លោកជំទាវ ពេជ ចន្ទមុន្នី ហ៊ុន ម៉ាណែត បានមានប្រសាសន៍ថា សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែយកចិត្តទុកដាក់គិតគូរពីសុខទុក្ខ និងការរស់នៅរបស់ប្រជាពលរដ្ឋតាមការស្នើឲ្យសមាគមគ្រូពេទ្យស្ម័គ្រចិត្តយុវជនសម្តេចតេជោ ចុះពិនិត្យនិងព្យាបាលជំងឺផ្សេងៗជូនប្រជាពលរដ្ឋដោយឥតគិតថ្លៃ នៅតាមទីជនបទនៅក្នុងប្រទេសកម្ពុជា ដោយមិនប្រកាន់និន្នាការនយោបាយ សាសនា អ្វីឡើយ។ ជាក់ស្តែងថ្ងៃនេះ ក្រៅពីបញ្ជូនប្អូនស្រីមកទទួលការវះកាត់បេះដូងប្រហោង និងព្យាបាលដោយជោគជ័យនៅមន្ទីរពេទ្យកាល់ម៉ែតក្រោមការយកចិត្តទុកដាក់សម្របសម្រួលពីសមាគមគ្រូពេទ្យស្ម័គ្រចិត្តយុវជនសម្តេចតេជោហើយនោះ សម្តេចក៏បានគិតគូរពីជីវភាពរស់នៅរបស់ប្អូនស្រី ដោយឧបត្ថម្ភជាថវិកាប្រកបដោយសន្តានចិត្តសប្បុរសធម៌ មនុស្សធម៌ចំពោះប្រជាពលរដ្ឋ។
ស្រី្តឈ្មោះគីម ហេង ដែលបានទទួលបានវះកាត់ដោយជោគជ័យ និងក្រុមគ្រួសារ បានបង្ហាញអារម្មណ៍សប្បាយរីករាយ និងគោរពថ្លែងអំណរគុណយ៉ាងជ្រាលជ្រៅចំពោះសម្តេចតេជោនិងសម្តេចកិត្តិព្រឹទ្ធបណ្ឌិត ឯកឧត្តម ហ៊ុន ម៉ាណែត និងលោកជំទាវ និង ឯកឧត្ដមបណ្ឌិត គុណ ញឹម និងលោកជំទាវ វេជ្ជបណ្ឌិតជំនាញៗ ព្រមទាំងក្រុមការងារទាំងអស់ដែលបានជួយសង្គ្រោះជីវិតគាត់ប្រកបដោយសន្តានចិត្តមនុស្សធម៌ ដែលសកម្មភាពដ៏ល្អប្រពៃ និងមានតម្លៃមិនអាចកាត់ថ្លៃបាននេះ មិនដូចទៅការនិយាយក្នុងន័យអវិជ្ជមានរបស់បុគ្គលបម្រើនយោបាយអគតិមួយចំនួននៅក្នុងមូលដ្ឋានរបស់បងស្រីឡើយ៕
សម្ដេចកិត្តិព្រឹទ្ធបណ្ឌិតបានឧបត្ថម្ភថវិកា៤លានរៀលជូនស្ត្រី ដែលមានជំងឺបេះដូងប្រហោងធ្ងន់ធ្ងរ
0 Comments