ករណីនៃជំងឺ Ebola នៅប្រទេសសៀរ៉ាឡេអូន អាចនឹងកាត់បន្ថយបានដល់ទៅ៥០ភាគរយ ខណៈពេលដែលចក្រភពអង់គ្លេស បានដាក់បន្ថែមគ្រែអ្នកជំងឺនៅតាមមជ្ឈមណ្ឌលព្យាបាល ដែលនេះជាវិធានការទប់ទល់មួយ ហើយដែលបានត្រៀមលក្ខណៈមុនពេលវេលាដល់ទៅមួយខែមុន។ របាយការណ៍ថ្មីមួយបានលើកយកមកអធិប្បាយយ៉ាងនេះ។
ក្រុមអ្នកសិក្សាស្រាវជ្រាវនៅឯសាកលវិទ្យាល័យ London School of Hygiene and Tropical Medicine (LSHTM) លើកឡើងថា កិច្ចខិតខំប្រឹងប្រែងក្នុងការផ្ដល់ជំនួយដោយចក្រភពអង់គ្លេស ត្រូវបានធ្វើឲ្យប្រសើរឡើង ខណៈពេលដែលមនុស្សប្រមាណ៧,៥០០នាក់ អាចនឹងត្រូវបានបង្ការពីការចម្លងវីរុសមរណៈនោះ។
នៅអំឡុងពេលរៀបចំចេញជាគម្រោងនេះ ចក្រភពអង់គ្លេស បានរៀបចំដំឡើងគ្រែសម្រាប់ព្យាបាលបានជាង១,៥០០គ្រែទៅហើយ នៅក្នុងមជ្ឈមណ្ឌលសហគមន៍ទាំងឡាយ ហើយថែមទាំងរៀបចំគ្រែចំនួន១,២០០គ្រែផ្សេងទៀតនៅក្នុងមជ្ឈមណ្ឌលសម្រាប់ព្យាបាលអ្នកជំងឺ Ebola តាមលក្ខណៈឯកទេសតែម្ដង។
ដោយឡែកអង្គការសុខភាពពិភពលោកបាននិយាយថា មនុស្ស១៣,៩៤៥នាក់ ធ្លាក់ខ្លួនឈឺរវាងខែកញ្ញា ឆ្នាំ២០១៤ និងខែកុម្ភៈ ឆ្នាំ២០១៥។ សាស្ដ្រាចារ្យឧទ្ទេសនាមនៃសាកលវិទ្យាល័យ LSHTM ពាក់ព័ន្ធនឹងជំងឺឆ្លង លោកវេជ្ជបណ្ឌិត Adam Kucharski ព្រមទាំងសហសេវិករបស់លោកនិយាយថា ការជាក់ទាក់ទងរបស់ចក្រភពអង់គ្លេសនេះ បានជួយសង្គ្រោះជីវិតមនុស្សបាន៤០,០០០នាក់។ ទោះជាយ៉ាងណាក្ដី ក៏ករណីដែលមានការបាត់បង់ជីវិតដ៏ច្រើនសន្ធឹកសន្ធាប់នោះវិញ គួរណាស់តែត្រូវបង្ការដោយចក្រភពអង់គ្លេស ធ្វើអន្ដរាគមន៍ទាន់ពេលវេលា។
លោកបណ្ឌិតសាស្ដ្រាចារ្យ John Edmunds បានលើកឡើងថា មានការលើកយកមកទិតៀនជាច្រើនចំពោះសហគមន៍អន្ដរជាតិ ព្រោះតែការឆ្លើយតបទៅនឹង Ebola មានភាពយឺតយ៉ាវ។
លោកបានបន្ថែមថា ការវិភាគរបស់យើងខ្ញុំ បង្ហាញឲ្យឃើញថា ការដាក់គ្រែសម្រាប់ព្យាបាលនៅទីកន្លែងសម្រាប់ព្យាបាលដោយត្រៀមចាំជាស្រេចរយៈពេលមុនមួយខែនោះ អាចនឹងជួយកាត់បន្ថយបាននូវទំហំនៃការរាលដាលនៃជំងឺ Ebola ហើយបានជួយសង្គ្រោះបង្ការដោយសក្ដានុពលចំពោះជីវិតមនុស្សយ៉ាងច្រើនថែមទៀតផង។
លោក Edmunds បានទាំងថ្លែងថា ការចម្លងរាលដាលធ្លាប់បានបង្ហាញប្រាប់ឲ្យដឹងហើយថា វាជាមេរៀនមួយសម្រាប់បណ្ដាប្រទេសទាំងឡាយដែលបញ្ជូនជំនួយមកឲ្យប្រទេសដែលកំពុងប្រឈមនឹងការរាលដាលនៃជំងឺ Ebola ដូចជាប្រទេសសៀរ៉ាឡេអូននេះ៕
ករណីEbolaនៅសៀរ៉ាឡេអូនអាចនឹងបំបែកចេញជាពីរផ្នែក ខណៈពេលដែលចក្រភពអង់គ្លេស បានធ្វើសកម្មភាពទាន់ពេលវេលា
0 Comments