ឩបទ្ទវហេតុមួយ បានកើតឡើងកាលពីល្ងាចថ្ងៃទី២៩ខែតុលាម្សិលមិញនេះ ដោយគេបានឲ្យដឹងថា ឆាកប្រគុំតន្ត្រីរបស់តារាចម្រៀងស្រី កំពូលសិចស៊ីរបស់តៃវ៉ាន់នាង Jolin Tsai ត្រូវបានដួលរលំខណៈពេលដែលកំពុងដំឡើង។
បើយោងទៅតាមប្រភពជាក់លាក់មួយបានឲ្យដឹងថា ក្រោយពីនាង Jolin Tsai បានប្រកាសថ្ងៃប្រគុំតន្រី្ត Play World Tour 2015 ដែលនឹងប្រព្រឹត្តទៅ នៅថ្ងៃទី៣១ខែតុលាខាងមុខនេះ នៅក្រុង Nanning ខេត្ត Guangxi ប្រទេសចិនកន្លងមក រហូតមកទល់ល្ងាចថ្ងៃទី២៩ខែតុលា ស្រាប់តែគេបានលឺដំណឹងដ៏ភ្ញាក់ផ្អើលមួយថា ឆាកប្រគុំតន្ត្រីទាំងមូលរបស់តារាចម្រៀងស្រីរូបនេះ បានដួលរលំអំឡុងពេលដែលកំពុងដំឡើង និងបានបណ្តាលឲ្យក្រុមការងារម្នាក់បានស្លាប់បាត់បង់ជីវិត និងរងរបួសចំនួន១៣នាក់ ហើយហេតុការណ៍នេះ បានកើតឡើងកាលពីវេលាម៉ោង៥ល្ងាច ថ្ងៃទី២៩ខែតុលា។
នៅយប់ថ្ងៃដដែល បន្ទាប់ហេតុការណ៍មួយនេះ បានកើតឡើង គេក៏បានប្រទះឃើញថា នាង Jolin Tsai ក៏បានបង្ហោះសារបួងសួងដល់អ្នកស្លាប់ និងរងរបួសទាំងអស់ផងដែរ ដោយនាងបានសរសេរថា 《ក្រោយពីដឹងដំណឹងនេះភ្លាម ក្នុងចិត្តពិតជាពិបាកណាស់ សូមចូលរួមបួងសួងដល់អ្នកស្លាប់ និងរងរបួសទាំងអស់គ្នា God bless !》
ជាក់ស្តែងនៅព្រឹកថ្ងៃទី៣០ខែតុលានេះ ស្រាប់តែលេចលឺដំណឹងពីភ្នាក់ងាររបស់តារាចម្រៀងសិចស៊ីរូបនេះថា 《ការប្រគុំតន្ត្រីមួយនេះ បានរំសាយចោលហើយ៕》
ឆាកប្រគុំតន្ត្រីរបស់ Jolin Tsai បានដួលរលំកាលពីម្សិលមិញនេះ
0 Comments