កម្ពុជាថ្មី ជឿជាក់ថា ប្រិយមិត្តអ្នកអានទាំងអស់ប្រាកដជាចង់ដឹងណាស់ថា តើតារាល្បីរបស់ប្រទេសចិន និងបរទេសរូបណាខ្លះ នឹងចូលរួមបញ្ចូលសម្លេងក្នុងខ្សែភាពយន្តគំនូរជីវចលដ៏ល្បីល្បាញ ដែលមានចំណងជើងថា《Kung Fu Panda 3》?
ដូចនេះហើយ នៅល្ងាចថ្ងៃទី៦ខែតុលានេះ កម្ពុជាថ្មី បានពាំនាំព័ត៌មានខ្លះៗ ដែលទាក់ទងនឹងសាច់រឿង និងឈ្មោះតារាមួយចំនួន ដែលមានវត្តមានបញ្ចូលសម្លេងក្នុងខ្សែភាពយន្តគំនូរជីវចល《Kung Fu Panda 3》នេះជូនប្រិយមិត្ត អាននិងជ្រាបទាំងអស់គ្នា។
ផ្អែកតាមប្រភពពីគេហទំព័រមួយបានអោយដឹងថា ខ្សែភាពយន្តគំនូរជីវចល《Kung Fu Panda 3》ត្រូវបានបង្កើតឡើងតាំងពីឆ្នាំ២០១៣មកម្ល៉េះ ហើយអ្នកដែលដឹកនាំថតរឿងគំនូរជីវចល គឺអ្នកនាង Jennifer Yuh ចំណែកឯសាច់រឿងវិញ គេគ្រាន់តែបានបង្ហើបបន្តិចថា Po បានជួបជុំឪពុករបស់ខ្លួនវិញ ដែលបានបែកបាក់គ្នាយ៉ាងយូរ។
ដោយឡែក តារាល្បីៗដែលមានវត្តមានចូលរួមបញ្ចូលសម្លេងជាភាសាចិន គឺរួមមាន លោក ឈិន ឡុង លោក Jay Chou នាង Yang Mi លោក Huang Lei ក្រុម Chopsticks Brothers នាង Zhuzhu លោក JiangWu និងតារាល្បីៗជាច្រើនទៀត ដែលមិនទាន់បានប្រកាស។
ចំពោះ តារាល្បីៗដែលមានវត្តមានចូលរួមបញ្ចូលសម្លេងជាភាសាអង់គ្លេសវិញ រូមមាន លោកស្រី Angelina Jolie លោក ឈិន ឡុង លោក Seth Rogen លោកស្រី Lucy Liu លោក David Cross និងតារាប្រុសស្រីដទៃទៀត។
គួរបញ្ជាក់ផងដែរថា ខ្សែភាពយន្តគំនូរជីវចល 《Kung Fu Panda 3》នឹងចាក់បញ្ចាំងនៅថ្ងៃទី២៩ខែមករាឆ្នាំ២០១៦៕
តើតារាល្បីរូបណាខ្លះ នឹងចូលរួមបញ្ចូលសម្លេងក្នុងគំនូរជីវចល《Kung Fu Panda 3》?
0 Comments