ក្រុមប្រឹក្សាភិបាលសុវត្ថិភាពហុល្លង់បាននិយាយថា មីស៊ីល BUK មួយគ្រាប់ដែលមានក្បាលគ្រាប់3N314M គឺទទួលខុសត្រូវចំពោះការធ្លាក់យន្តហោះ MH17 ។ ក្រុមប្រឹក្សានេះបានកត់សម្គាល់ថា និយតករអាកាសចរណ៍អ៊ុយក្រែនបានសារភាពថា អាវុធនេះគឺមាននៅក្នុងភាគខាងកើតនៃប្រទេសអ៊ុយក្រែន ដែលមានសមត្ថភាពអាចវាយប្រហារយន្តហោះដឹកអ្នកដំណើរបាន។
លោកTjibbe Joustra ប្រធានក្រុមប្រឹក្សាភិបាលសុវត្ថិភាពហុល្លង់បាននិយាយថា “នៅក្នុងរយៈពេលប៉ុន្មានខែមុនពេលធ្លាក់យន្តហោះនេះ មានយន្តហោះយោធា និងឧទ្ធម្ភាគចក្រយ៉ាងហោចណាស់១៦គ្រឿងត្រូវបានបាញ់ទម្លាក់នៅភាគខាងកើតប្រទេសអ៊ុយក្រែន។ ក្រុមអាជ្ញាធរអ៊ុយក្រែនបានដឹងអំពីរឿងនេះ។ ពួកគេបានថ្លែងថា ម្ដងម្កាលប្រព័ន្ធអាវុធត្រូវបានប្រើដែលអាចឈានដល់ការដឹងអំពីរយៈកម្ពស់នៃយន្តហោះស៊ីវិល។ ប៉ុន្ដែទោះបីជាយ៉ាងណាក៏ដោយ ប្រទេសអ៊ុយក្រែនមិនបានបិទដែនអាកាសរបស់ខ្លួននោះទេ”។
សេចក្តីប្រកាសនៅឯមូលដ្ឋានអាកាសក្នុងតំបន់ Gilze Rijen ប្រទេសហុល្លង់មួយនេះបានលើកឡើងថា យន្តហោះអាកាសចរណ៍ស៊ីវិលមិនគួរត្រូវបានអនុញ្ញាតឲ្យហោះហើរពីលើភាគខាងកើតនៃប្រទេសអ៊ុយក្រែនឡើយ ដោយសារតែហានិភ័យនៃយន្តហោះត្រូវបានវាយប្រហារ។
លោក Tjibbe Joustra បានបញ្ជាក់ថា មានហេតុផលគ្រប់គ្រាន់ដើម្បីបិទដែនអាកាសនៃភាគខាងកើតអ៊ុយក្រែន ហើយថារដ្ឋាភិបាលទីក្រុងគៀវគួរតែចាត់វិធានការទាំងនេះ។
សេចក្តីថ្លែងការណ៍មួយមកពីក្រុមប្រឹក្សាសុវត្ថិភាពហុល្លង់បានលើកឡើងថា “វាជាការច្បាស់ណាស់ថា អ៊ុយក្រែនមានហេតុផលគ្រប់គ្រាន់ក្នុងការបិទដែនអាកាសលើផ្នែកភាគខាងកើតនៃប្រទេសអ៊ុយក្រែនជាការប្រុងប្រយ័ត្នមួយមុនថ្ងៃទី១៧ខែកក្កដាឆ្នាំ២០១៤”។
គ្មានការប្រុងប្រយ័ត្នបែបនេះត្រូវបានធ្វើឡើងឡើយហើយយន្តហោះពាណិជ្ជកម្មផ្សេងគ្នាចំនួន ១៦០បានហោះហើរតាមបណ្តោយព្រំដែនដូចគ្នានេះដែរពីការដែលយន្តហោះ MH17 ត្រូវបានបាញ់ទម្លាក់។
ភ្លាមៗបន្ទាប់ពីគ្រោះថ្នាក់សោកនាដកម្មនេះបានកើតឡើង ដែនអាកាសលើតំបន់នេះត្រូវបានបិទ។
ក្រុមប្រឹក្សាភិបាលសុវត្ថិភាពហុល្លង់ក៏បានបញ្ជាក់ផងដែរថា ពួកគេមិនអាចធ្វើការកំណត់ថាអ្នកណាគឺគ្រប់គ្រងតំបន់ដែលជាកន្លែងមីស៊ីល BUK ត្រូវបានបាញ់ចេញនោះទេ។ ពួកគេបានបន្ថែមថា ក្បាលគ្រាប់នោះត្រូវបានគេបំផ្ទុះពីកន្លែងក្នុងផ្ទៃដី ៣២០ គីឡូម៉ែត្រការ៉េនៅភាគខាងកើតអ៊ុយក្រែន។
ទោះជាយ៉ាងណាក៏ដោយ ពួកគេបានយល់ស្របថា ក្បាលគ្រាប់ 9N314M ដែលបាញ់ដោយកាំជ្រួចមីស៊ីល BUK គឺទទួលខុសត្រូវចំពោះការធ្លាក់យន្តហោះរបស់ក្រុមហ៊ុនអាកាសចរណ៍ម៉ាឡេស៊ី៕
RT
យន្តហោះMH17ត្រូវបានបាញ់ដោយមីស៊ីលBUK ខណៈអ៊ុយក្រែនមិនបានបិទដែនអាកាស
0 Comments