បន្ទាយមានជ័យ ៖ ដូនចាសម្នាក់ពិការភ្នែកទាំងកូរនិងគ្មានកូនចៅជាទីពឹងបានទទួលអំណោយពីលោកឧត្តមសេនីយ៍ ត្រី ឱបូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យព្រឹកនៅ ថ្ងៃទី៣០ ខែវិច្ឆិកា ឆ្នាំ២០១៥ តាមរយៈលោក វរសេនីយ៍ត្រី ត្រី ជា ដា មេបញ្ជាការកងរាជអាវុធហត្ថក្រុងប៉ោយប៉ែត និង លោក អនុសេនីយ៍ទោ សរ សុភក្ត្រា មេបញ្ជាការរងអាវុធហត្ថក្រុងប៉ោយប៉ែតព្រមទាំងសហការី និងសប្បុរសជន។
លោកឱបូរិន្ទ បាននិយាយថា លោកយាយពិការភ្នែកទាំងគូបានទទួលអំណោយពីអាវុធហត្ថនោះមាន ឈ្មោះពតហម អាយុ ៧៦ឆ្នាំ រស់នៅ មណ្ឌល៦ ភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ លោកឱបូរិន្ទ បានបញ្ជាក់ទៀតថា មុននឹងលោកយកអំណោយទៅចែកដល់លោកយាយនោះលោកបានឲ្យកូនចៅចុះទៅពិនិត្យផ្ទះលោកយាយផ្ទាល់តែម្តង។ ក្នុងផ្ទះលោកយាយគ្មានអ្វីជាដុំកំភួននោះទេផ្ទះប្រក់ស្បូវ ជញ្ជាំងប្រកបមេឃនៅក្នុងផ្ទះគ្មានអ្វីក្រៅពីចានឆ្នាំងចាស់ៗ ហើយមានមុងភួយចាស់ៗទុកដេកដណ្ដប់នៅពេលយប់ និង នៅពេលខែរងា ហើយនៅក្នុងខ្លួនលោកយាយគ្មានលុយមួយកាក់មួយសេននោះឡើយ លោកយាយរស់ដោយសារអ្នកជិតខាងតែប៉ុណ្ណោះ។
លោកឱបូរន្ទ ដោយមើលឃើញលោកយាយមានជីវភាពខ្វះខាតពិការភ្នែកទាំងគូហើយរស់នៅឯកោគ្មានកូនចៅជាទីពឹង លំបាកវេទនាខ្លាំងពេកទើបលោកឲ្យកូនចៅក្រោមឱវាទយកអំណោយទៅជូនផ្ទាល់ដៃ លោកយាយតែម្តងមានដូចជាអង្ករមួយការុង៥០ គក មីម៉ាម៉ា១ កេះប៊ីចេង១ថង់០,៥ គីឡូក្រាម ស្ករស១ថង់គីឡូក្រាម អំបិលអីយូត១គីឡូក្រាម ទឹកត្រី ១យួរទឹកស៊ីអ៊ីវ ០១យួរត្រី ខ ១យួរ ប្រេឆា ០១លីត្រ ទឹកសណ្តែក១ដុំ នឹងទឹកប្រាក់ចំនួន ៥០ម៉ឺនរៀលទៀតផង។
លោកយាយពកហម ក្រោយពេលទទួលបានអំណោយពីអាវុធរួចមកលោកយាយមានចិត្តសប្បាយរំភើបឥតឧបមា ហើយលោកយាយបានលើកម្រាមដៃ១០បួងសួងដល់វត្ថុស័ក្តិសិទ្ធនៅក្នុងលោកសូមឲ្យជួយបីបាច់ថែរក្សា ដល់ម្ចាស់ទានឲ្យជួបតែ និង សេចក្តីកុំបីមានទុកឡើយ៕
ដូនចាស់ពិការភ្នែកទាំងគូគ្មានទីពឹងបានទទួលអំណោយពីកងរាជអាវុធហត្ថ
0 Comments