ភ្នំពេញ ៖ ថ្មីៗនេះពិធីការិនីកញ្ញា ដួង ហ្សូរីដា ត្រូវបានមជ្ឈដ្ឋានមហាជនមួយចំនួន ពិសេសក្រុមអ្នកនិយមលេងបណ្ដាញសង្គមហ្វេសប៊ុកបាននាំគ្នារិះគន់យ៉ាងស្ពឹកមុខ ខណៈតារារូបនេះនិយាយភាសាអង់គ្លេសមិនសូវច្បាស់ ថែមទាំងស្តាប់មិនសូវបាននៅក្នុងកម្មវិធីពានរង្វាន់តារាឯកសាំងហ្គាពួរ ដែលបានចាក់បញ្ចាំងនៅលើកញ្ចក់ស្ថានីយទូរទស្សន៍CTV8HD។ ប៉ុន្តែបន្ទាប់ពីមានការរិះគន់ភ្លាមៗនេះគេសង្កេតឃើញនាងចេញមុខបកស្រាយផងដែរ។
ស្របពេលជាមួយគ្នានៃការចេញមុខបកស្រាយពីសំណាក់សាមីខ្លួនកញ្ញា ដួង ហ្សូរីដា នេះដែរ នៅលើបណ្ដាញសង្គមហ្វេសប៊ុករបស់តារាសម្ដែងជើងចាស់អ្នកនាង ចន ច័ន្ទលក្ខិណា ថ្មីៗនេះគេសង្កេតឃើញនាងក៏បានចេញមុខឈឺឆ្អាលព្រមទាំងប្រើសម្ដីការពារ ដោយបញ្ចេញប្រតិកម្មខ្លាំងៗវាយបកចំពោះអ្នករិះគន់បែបនេះវិញថា កុំយកចិត្តទៅស្តាប់មនុស្សដែលជាដង្កូវសង្គម ព្រោះប្រភេទមនុស្សទាំងនោះមិនដែលមានបេះដូងជាមនុស្សទេ ជាប្រភេទមនុស្សប្រើសតិជាដង្កូវនៅមិនចេញស្ងៀមចេញសម្ដែងជាធ្វើបុណ្យ តែធាតុពិតគឺទង្វើបាបតែងតែគិតអាក្រក់លើកអ្នកដទៃ។
អ្នកនាង ចន ច័ន្ទលក្ខិណា ដែលមានឈ្មោះជាស្ត្រីមេម៉ាយកូនមួយបាននិយាយទៀតថា គួរណាស់គិតឃើញថាគ្រួសារមួយនេះគឺមានតែមនុស្សស្រីម្នាក់នេះយិតយោងគ្រួសារដែលមានស្រីដល់ទៅ៤នាក់ ហើយក៏គួរតែចេះគិតថាមានស្ត្រីចំណាស់ម្នាក់ដែលមានជំងឺប្រចាំកាយដោយពឹងផ្អែកលើកមុខរបរសុចិចរិតតែមួយ ហើយត្រូវរាប់រងមួយគ្រួសារត្រូវចាំថាបើជាពួកគេវិញគឺធ្វើមិនបានដូចប្អូនទេប្រហែលអាចជាយកអំពើទុច្ចរិតមកដោះស្រាយផងចាំទុកណាអូនថា ទោះបីយ៉ាងណាក៏បងស្រីម្នាក់នេះចាំជួយអូនគ្រប់ពេល ពួកយើងជាពូជព្រះជិនវង្សមិនមែនពូជក្អែកពាក់ស្លាបហង្សឡើយ។
តារាសម្ដែងអ្នកនាង ចន ច័ន្ទលក្ខិណា បានបន្ថែមថា អ្នកចេះខ្លាំងគឺស្តាប់មិនបានអ្នកចេះតិចគេស្តាប់បាន បើខ្លាំងនិយាយម្តងមើល pronunciation ម៉េចដែរ ? ព្រោះតែសំបូរអ្នករិះគន់ផ្កាប់មុខបែបនេះហើយ បានជាខ្ញុំសុខចិត្តក្រខ្លួន និងខំរកលុយឲ្យកូនរៀនសាលាល្អ ដើម្បីកុំឲ្យខ្មែរគ្នាឯងមើលងាយពេលនិយាយភាសាគេម្តងៗ ខ្មែរគឺអញ្ចឹង បើខ្មែរនិយាយភាសាគេមិនច្បាស់តិចតួចនាំគ្នាសើចចំអក រិះគន់ទាល់តែគ្នាក្រាបមុខនឹងភក់បានម្នាក់ៗសុខចិត្ត តែបើបរទេសនិយាយភាសាខ្មែរមិនច្បាស់នាំគ្នាអររំភើបចង់ហើបគូថពីដី អូយនិយាយគួរឲ្យស្រលាញ់ cute ពីរោះណាស់ សុំនិយាយម្តងទៀតមក ចង់ស្តាប់ណាស់នេះបានហៅថាខ្មែរ មែនអត់ ?៕
ចន ច័ន្ទលក្ខិណា ហៅអ្នករិះគន់ ដួង ហ្សូរីដា ថា ជាដង្កូវសង្គម
0 Comments