ក្រុមហ៊ុន Apple បានព្រមានថា ផែនការរបស់ចក្រភពអង់គ្លេសដើម្បីផ្តល់ឱ្យភ្នាក់ងារស៊ើបការណ៍របស់ប្រទេសមហាអំណាច ក្នុងការឃ្លាំមើលលើបណ្តាញបន្ថែមទៀត អាចនឹងមានភាពចុះខ្សោយលើផ្នែកសន្ដិសុខទិន្នន័យផ្ទាល់ខ្លួន សម្រាប់មនុស្សរាប់លាននាក់ និងបង្កជាបញ្ហាក្នុងវិស័យបច្ចេកវិទ្យា។
កាលពីខែមុននេះ ប្រទេសអង់គ្លេសបានដាក់បង្ហាញសំណើលើបណ្ដាញថ្មីសម្រាប់ប្រទេសមហាអំណាចថា ខ្លួនបានឱ្យដឹងថា មានតម្រូវការជាចាំបាច់ដើម្បីជួយឱ្យប្រទេសនេះ មានសុវត្ថិភាពពីឧក្រិដ្ឋជនឆបោក និងពួកសកម្មប្រយុទ្ធ រួមទាំងសិទ្ធិក្នុងការស្វែងរកលើវែបសាយដែលមានមនុស្សទស្សនាផងដែរ។
ក្រុមអ្នករិះគន់និយាយថា Investigatory Powers Bill បានផ្តល់នូវអំណាចគ្រប់គ្រងឱ្យប្រទេសអង់គ្លេសលើសពីអ្នក ដែលស៊ើបការណ៍នៅក្នុងប្រទេសលោកខាងលិចដទៃទៀត រួមមានសហរដ្ឋអាមេរិក ហើយបង្កជាការរំលោភលើសេរីភាពផ្ទាល់ខ្លួន។
ក្រុមហ៊ុនផលិតទូរស័ព្ទ iPhone នេះបាននិយាយថា៖ “យើងជឿថា វាគឺជាកំហុសមួយក្នុងការធ្វើឱ្យមានភាពចុះខ្សោយផ្នែកសន្តិសុខសម្រាប់មនុស្សរាប់លាននាក់ ដែលជាអតិថិជនគោរពច្បាប់ទាំងនោះ ដូច្នេះវានឹងមានភាពទន់ខ្សោយភាគតិច ដែលបានបង្កជាការគំរាមកំហែង”។
Apple បានដាក់ការឆ្លើយតបរបស់ខ្លួនទៅឱ្យគណៈកម្មាធិការសភាមួយរបស់ប្រទេសអង់គ្លេសដែលត្រូវបានពិនិត្យពិច័យទៅលើច្បាប់ថ្មីនេះ នៅក្នុងការប៉ះទង្គិចគ្នាថ្មីបំផុតមួយរវាងរដ្ឋាភិបាលលោកខាងលិច ក្នុងការស្វែងរកការត្រួតពិនិត្យ ទៅលើបញ្ហាគំរាមកំហែងពីពួកសកម្មប្រយុទ្ធឥស្លាមនិយម និងក្រុមហ៊ុនបណ្តាញ ដែលធ្វើការងាររក្សាសន្តិសុខ។
Apple បាននិយាយថា សេចក្តីព្រាងច្បាប់នេះអាចធ្វើឱ្យមានភាពចុះខ្សោយក្នុងការអីុនគ្រីបទិន្នន័យ ការជ្រៀតជ្រែកសច្ចាប័ន ជាមួយនឹងផលិតផលរបស់ខ្លួនបង្ខំឱ្យក្រុមហ៊ុន ដែលមិនមែនជារបស់ចក្រភពអង់គ្លេស ធ្វើការបំបែកច្បាប់នៃប្រទេសកំណើតរបស់ពួកគេ ហើយបានបង្កឱ្យមានច្បាប់ស្រដៀងគ្នានេះ នៅបណ្តាប្រទេសផ្សេងទៀត ដែលអាចធ្វើឱ្យបណ្តាក្រុមហ៊ុននៅក្រោមសម្ពាធនៃច្បាប់រាប់សិប ដែលមានភាពផ្ទុយគ្នា។
ក្នុងការផ្ដល់ការគាំទ្រដល់ទស្សនៈរបស់ក្រុមហ៊ុន Apple នោះ ក្រុមហ៊ុន Microsoft ក៏បាននិយាយផងដែរថា វិធីសាស្ត្រអន្តរជាតិនឹងធ្វើឱ្យមនុស្សមានសុវត្ថិភាពជាជាងការប្រកួតប្រជែងដែលមានវិធានការចេញពីប្រទេសផ្សេងគ្នា។
អ្នកនាំពាក្យម្នាក់បាននិយាយថា៖ “ច្បាប់នេះត្រូវតែចៀសវាងការប៉ះទង្គិចជាមួយនឹងច្បាប់របស់ប្រទេសផ្សេងទៀត ហើយរួមចំណែកទៅក្នុងប្រព័ន្ធ ដែលរដ្ឋាភិបាលទំនងជាធ្វើការរួមគ្នា ដែលមិនមែននៅក្នុងការប្រកួតប្រជែងដើម្បីជួយឱ្យមនុស្សមានសុវត្ថិភាពជាងនេះ”។
Apple បាននិយាយនៅក្នុងការដាក់សំណើរបស់ខ្លួនក្នុងការប៉ុនប៉ង បង្ខំឱ្យក្រុមហ៊ុន ដែលមិនមែនជារបស់ចក្រភពអង់គ្លេសទទួលយកសកម្មភាព ដែលរំលោភលើច្បាប់នៃប្រទេសរបស់ខ្លួន។
រដ្ឋាភិបាលអង់គ្លេសបានបរាជ័យនៅមុនការប៉ុនប៉ងមួយ ដើម្បីបង្កើនការឃ្លាំមើលនៅលើបណ្តាញ ដែលមានឈ្មោះថា ” snoopers’ charter” ដោយបានឱ្យដឹងថា សំណើនោះនឹងមិនត្រូវបានហាមឃាត់ការអុិនគ្រីប ឬការធ្វើអ្វីៗទាំងអស់ដើម្បីបង្កឱ្យមានផលប៉ះពាល់ដល់បញ្ហាសុវត្ថិភាពរបស់ទិន្នន័យប្រជាជនឡើយ។
ប៉ុន្តែ Apple បាននិយាយថា សំណើក្នុងវិក្កយបត្រថ្មីនេះ នឹងចុះខ្សោយក្នុងការអុិនគ្រីប ដូចជាកាតព្វកិច្ចជាក់លាក់នៅលើអ្នកផ្តល់សេវាមួយ ក្នុងការជួយទិន្នន័យ ដែលបានរារាំង និងការ hack តាមឧបករណ៍របស់ជនសង្ស័យ។
ក្រុមហ៊ុន ដែលមានមូលដ្ឋាននៅឯរដ្ឋ California នេះ បានប្រើការអិុនគ្រីបលើសេវា FaceTime និង iMessage របស់ខ្លួន ដោយបានឱ្យដឹងថា ជាវិធីសាស្ត្រល្អបំផុតដើម្បីការពារប្រឆាំងនឹងគម្រោងការ hacking ដ៏ស្មុគ្រស្មាញកាន់តែខ្លាំងឡើង ហើយការវាយប្រហារតាមប្រព័ន្ធអីុនធើណេតកំពុងកើនឡើងកាន់តែខ្លាំងឡើងជាលំដាប់ មិនមែនខ្សោយជាងមុននោះទេ។
វាបាននិយាយថា៖ “នៅក្នុងបរិយាកាសអីុនធើណេត ដែលបានគំរាមកំហែងនេះ ក្រុមហ៊ុនដែលនៅមាន គួរតែមានសមយុទ្ធយ៉ាងឆាប់រហ័សលើសេរីភាព ក្នុងការអនុវត្តការអុិនគ្រីបយ៉ាងខ្លាំងដើម្បីការពារអតិថិជនរបស់ខ្លួន”។
ព្រមទាំងអាចបំពេញការទប់ស្កាត់ភាគច្រើននៃទិន្នន័យ ដែលមានទំនាក់ទំនង គម្រោងនេះនឹងអនុញ្ញាតឱ្យមានការផ្តល់សេវាសន្តិសុខដើម្បីអនុវត្ត “equipment interference” ដែលពួកឈ្លបយកការណ៍នៅលើកុំព្យូទ័រឬស្មាតហ្វូនប្រើ ដើម្បីចូលដំណើរការទិន្នន័យរបស់ពួកគេ។
សម្រាប់ក្នុងការដាក់ស្នើរបស់ខ្លួនក្នុងការអនុម័តសេចក្តីព្រាងច្បាប់នេះ ក្រុមហ៊ុន Apple បានរិះគន់លើតម្រូវការបែបនេះណាមួយ ក្នុងការបង្កើត “Backdoor” ដែលអាចធ្វើឱ្យមានភាពចុះខ្សោយក្នុងការការពារ ដែលបានកសាងឡើង នៅក្នុងផលិតផលរបស់ក្រុមហ៊ុន Apple។
លោកបន្តថា៖ “កូនសោរ ដែលលាក់ក្រោមកម្រាលជូតជើងមុខទ្វារនោះ មិនមែនសម្រាប់តែមនុស្សល្អនោះទេ”។ “មនុស្សអាក្រក់ក៏នឹងអាចរកឃើញវាដែរ”៕
Apple បានបញ្ចេញផែនការនៅឯប្រទេសអង់គ្លេស ដើម្បីពង្រីកការឈ្លបមើលលើបណ្តាញ
0 Comments