ភ្នំពេញ ៖ នៅព្រឹកថ្ងៃ២ ខែធ្នូ ឆ្នាំ២០១៥នេះ លោកអៀង ស៊ីផាន អភិបាលនៃគណៈអភិបាលខណ្ឌច្បារអំពៅបានដឹកនាំកម្លាំងគណៈបញ្ជាការឯកភាពខណ្ឌចុះឃាត់រថយន្តធុនធំ ដែលធ្វើដំណើរឆ្លងកាត់ការដ្ឋានផ្លូវជាតិលេខ១ចាប់ពីគល់ស្ពានព្រះមុនីវង្សថ្មី រហូតដល់ភូមិក្ដីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
គណៈបញ្ជាការឯកភាពខណ្ឌច្បារអំពៅបានឲ្យដឹងថា រថយន្តធំទាំងអស់នេះហើយ ដែលបង្កការស្ទះចរាចរណ៍ ជាហេតុធ្វើឲ្យការស្ថាបនាផ្លូវជាតិលេខ១ ត្រូវយឺតយ៉ាវ។ ដូច្នេះសាលាខណ្ឌច្បារអំពៅ ត្រូវឃាត់រថយន្តនេះ និងតម្រូវឲ្យរថយន្តធុនធំទាំងអស់បញ្ចៀសទៅផ្លូវថៃហ្គ័រ ដែលស្ថិតក្នុងសង្កាត់ព្រែកឯង ខណ្ឌច្បារអំពៅ ឆ្ពោះទៅស្ពានព្រែកសំរោងក្រុងតាខ្មៅ៕
រថយន្តធុនធំឆ្ពោះមកភ្នំពេញតាមផ្លូវជាតិលេខ១ ត្រូវបានបញ្ចៀសឲ្យធ្វើចរាចរណ៍តាមផ្លូវថៃហ្គ័រ
0 Comments