សៀមរាប ៖ ករណីរក្សាទុក និងប្រើប្រាស់គ្រឿងញៀនខុសច្បាប់នៅចំណុចភូមិគោកដូង សង្កាត់ទឹកវិល ក្រុងសៀមរាប ត្រូវបានកម្លាំងការិយាល័យនគរបាលប្រឆាំងគ្រឿងញៀនបានចូលរួមសហការជាមួយកម្លាំងការិយាល័យនគរបាលការពារ និងអន្តរាគមន៍នៃស្នងការដ្ឋាននគរបាលខេត្តសៀមរាបចុះធ្វើការឃាត់ខ្លួនជនសង្ស័យបានចំនួន០៤នាក់ភ្លាមៗ ក្រោយពេលដែលប្រជាពលរដ្ឋបានរាយការណ៍មកសមត្ថកិច្ចរបស់យើងថា ជនសង្ស័យខាងលើបានធ្វើសកម្មភាពចែកចាយ និងប្រើប្រាស់នូវសារធាតុញៀនខុសច្បាប់នៅក្នុងភូមិរបស់គាត់។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀនបានឲ្យដឹងថា ជនសង្ស័យទាំង០៤នាក់នេះត្រូវបានឃាត់ខ្លួននៅវេលាម៉ោង០៣និង៤០នាទីអធ្រាត្រថ្ងៃទី១៤ ខែធ្នូ ឆ្នាំ២០១៥ និងជាមុខសញ្ញាដែលធ្លាប់ធ្វើសកម្មភាពនៅក្នុងភូមិក្នុងរយៈកាលកន្លងមក។
លោកនាយការិយាល័យបានបន្តឲ្យដឹងទៀតថា ជនសង្ស័យទាំង៤នាក់១-ឈ្មោះ គង់ និមល ភេទប្រុស អាយុ២០ឆ្នាំ មុខរបរគ្មាន ទីលំនៅភូមិវត្តបូរព៏ សង្កាត់សាលាកំរើក ក្រុងសៀមរាប។ ២-ឈ្មោះ ជា សេងឃាំង ភេទប្រុស អាយុ១៦ឆ្នាំ មុខរបរសិស្ស ភូមិខ្នារ សង្កាត់ជ្រាវក្រុង/ខេត្តសៀមរាប ៣-ឈ្មោះ ម៉ៅ រតនា ភេទប្រុស អាយុ១៧ឆ្នាំ មុខរបរចុងភៅភោជនីយដ្ឋានទន្លេសាបរស់នូវភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប។ ៤-ឈ្មោះ ហឿន មករា ភេទប្រុស អាយុ១៨ឆ្នាំ រស់នូវភូមិស្វាយដងំ សង្កាត់ស្វាយដង្គំ ក្រុង/ខេត្តសៀមរាប។ សម្ភារៈដែលដកហូតបានរួមមាន ម្សៅមេតំហ្វេតាមីនចំនួន០២កញ្ចប់តូចទម្ងន់០.២ក្រាម ទូរស័ព្ទចំនួន០៤គ្រឿង ម៉ូតូចំនួន០២គ្រឿង និងថង់បា្លស្ទីក ពណ៌ថ្លា កឹបមាត់មួយចំនួនធំ។
បច្ចុប្បន្នជនសង្ស័យទាំង០៤នាក់ ត្រូវបានកម្លាំងការិយាល័យនគរបាលប្រឆាំងគ្រឿងញៀនកសាងសំណុំរឿងបញ្ជូនទៅតុលាការខេត្តនៅព្រឹកថ្ងៃទី១៧ ខែធ្នូ ឆ្នាំ២០១៥នេះ៕
ក្រុមអ្នកជួញដូរគ្រឿងញៀន៤នាក់ ត្រូវបានសមត្ថកិច្ចបញ្ជូនទៅកាន់តុលាការ
0 Comments