ការស្ទង់មតិមួយបាននិយាយកាលពីថ្ងៃអង្គារថា សេដ្ឋកិច្ចពិភពលោកដែលយឺតនេះ ហាក់ដូចជានឹងទទួលបាននូវការជំរុញមួយពីតម្រូវការអ្នកប្រើប្រាស់កាន់តែខ្លាំង នៅឆ្នាំក្រោយនៅពេលដែលអតិផរណាទាបបានជំរុញតម្លៃពិតប្រាកដនៃការឡើងប្រាក់ឈ្នួលរបស់កម្មករទៅដល់កម្រិតខ្ពស់ ៣ ឆ្នាំនោះ។
ការសិក្សាដោយក្រុមហ៊ុនធនធានមនុស្ស Korn Ferry Hay Group បានបង្ហាញថា ការដាំក្បាលចុះនៅក្នុងតម្លៃប្រេងបានជំរុញអតិផរណាឲ្យធ្លាក់ទាបយ៉ាងខ្លាំង និងមានន័យថា ប្រាក់ខែពិតប្រាកដត្រូវបានទស្សន៍ទាយថា នឹងកើនឡើងក្នុងចំនួនមធ្យម ២.៥ ភាគរយនៅទូទាំងពិភពលោក នៅក្នុងឆ្នាំ ២០១៦ ។
លោក Benjamin Frost អ្នកពិគ្រោះយោបល់ម្នាក់នៅ Hay Group ដែលត្រួតត្រាមើលសំណុំទិន្នន័យប្រាក់ខែរបស់ខ្លួនបាននិយាយថា ប្រាក់ឈ្នួលដែលមានតែឈ្មោះបានកើនឡើង ៤.៩ ភាគរយនៅទូទាំងក្រុមហ៊ុន និងអង្គការចំនួន២៤,០០០ នៅទូទាំងពិភពលោក នោះគឺស្របជាមួយនឹងបណ្ដាឆ្នាំថ្មីៗនេះ។ ប៉ុន្ដែការធ្លាក់ចុះនៅក្នុងអតិផរណាបាននិងកំពុងតែដាក់ប្រាក់ច្រើនថែមទៀតទៅក្នុងហោប៉ៅរបស់អ្នកប្រើប្រាស់ នៅទូទាំងពិភពលោក។
លោក Frost បានបន្ដថា អ្វីដែលពួកគេបានឃើញជាច្រើនដើម្បីធ្វើនោះ គឺការចំណាយនូវប្រាក់នោះ ហើយក្រុមហ៊ុនទាំងឡាយជាទូទៅមិនបានធ្វើអាក្រក់ណាមួយនោះដែរ។ ពួកគេបានចែករំឡែកនូវក្ដីស្រឡាញ់គ្នាជាមួយនិងប្រាក់ខែដែលបានឡើងនេះ និងមានក្ដីសង្ឃឹមថា ប្រាក់នេះនឹងវិលត្រឡប់ទៅរកកាបូបដាក់ប្រាក់របស់ពួកគេម្ដងទៀត។
ការសិក្សាបានបង្ហាញថា កម្មករអាមេរិកបានស្ថិតនៅលើចរន្ដនៃការដំឡើងប្រាក់ខែ ៣.០ ភាគរយនៅពេលចាប់ផ្ដើមឆ្នាំ២០១៦ ដែលបណ្ដាលឲ្យកើតមានការដំឡើង ២.៧ ភាគរយនៅក្នុងប្រាក់ឈ្នួលពិតប្រាកដ នៅពេលយកមកគិតនូវអតិផរណាប្រចាំឆ្នាំ ដែលបានរៀបចំគណនាប្រហែល ០.៣ ភាគរយនៅក្នុងពេលជាមួយគ្នានេះ។
នៅប្រទេសអង់គ្លេស ប្រាក់ឈ្នួលរបស់កម្មករបានឡើង ២.៥ ភាគរយ និងអតិផរណា ដែលបានគណនាមានតែ ០.២ភាគរយ មានន័យថាកម្មករអង់គ្លេសស្ថិតនៅលើចរន្ដសម្រាប់កំណើនប្រាក់ខែពិតប្រាកដខ្លាំងជាងកំណើនមធ្យម ២ភាគរយ ដែលគេបានរំពឹងទុកសម្រាប់និយោជិកនៅប្រទេសអឺរ៉ុបខាងលិចនេះ។
ធនាគារកណ្ដាលទាំងឡាយដូចជា ធនាគាររបស់ប្រទេសអង់គ្លេសជាដើម កំពុងតែតាមឃ្លាំមើល ប្រសិនបើការធ្លាក់ចុះនៅក្នុងអតិផរណាបណ្ដាលឲ្យប្រាក់ខែ ដែលទាបបានឡើងនៅក្នុងក្របខណ្ឌសាច់ប្រាក់នោះ និងកាត់បន្ថយសេចក្ដីត្រូវការសម្រាប់ដំឡើងអត្រាការប្រាក់ពីកម្រិតទាបបំផុតរបស់ពួកគេនោះ។
ការសិក្សានេះត្រូវបានដកស្រង់ចេញពីទិន្នន័យរបស់ក្រុមហ៊ុន និងអង្គការនានានៅក្នុង ១១០ ប្រទេស។ ការទទួលបានប្រាក់ខែពិតប្រាកដច្រើនបំផុត នៅតាមតំបន់ត្រូវបានគេរំពឹងថា នៅអាស៊ីជាកន្លែងដែលកម្មករនៅប្រទេសចិនទំនងជានឹងបានឃើញកំណើន ៦.៣ ភាគរយនៅក្នុងឆ្នាំ ២០១៦ នៅពេលដែលតម្រូវការកើនឡើងចំពោះកម្មករជំនាញ បើទោះបីជាមានការបង្អង់ល្បឿនសេដ្ឋកិច្ចរបស់ប្រទេសនេះក៏ដោយចុះ៕
ការសិក្សា៖ អតិផរណាទាបនឹងជំរុញប្រាក់ខែរបស់កម្មករនៅលើពិភពលោកឲ្យកើនឡើងរយៈពេល ៣ ឆ្នាំ
0 Comments