នៅពេលច្រានចោលថា ជារឿងប្រឌិតបែបវិទ្យាសាស្ដ្រដ៏គ្រោះថ្នាក់នោះ គម្រោងដើម្បីទប់ស្កាត់កម្ដៅពិភពលោក ដោយការធ្វើវិស្វកម្មឡើងវិញនូវអាកាសធាតុរបស់ផែនដី អាចទទួលបានយ៉ាងល្អនូវការទាក់ទាញ ដែលជាលទ្ធផលនៃកិច្ចព្រមព្រៀងនៅទីក្រុងប៉ារីស។
កិច្ចព្រមព្រៀងអាកាសធាតុជាប្រវត្ដិសាស្ដ្រ ដែលបានសម្រេចនៅទីក្រុងប៉ារីស កាលពីថ្ងៃសៅរ៍បានចោទឡើងនូវទ្វេគ្រោះមួយ។ កិច្ចព្រមព្រៀងនេះបានកំណត់នូវគោលដៅប្រកបដោយមហិច្ឆតាដើម្បីកម្រិតកម្ដៅពិភពលោក ប៉ុន្ដែសេដ្ឋកិច្ចរបស់ផែនដីនេះនៅតែពឹងផ្អែកយ៉ាងខ្លាំងទៅលើប្រេងឥន្ធនៈហ្វូស៊ីល ដែលបង្ហូរចេញនូវឧស្ម័នកាបូន។
ដូច្នេះ ប្រសិនសីតុណ្ហភាពកើនឡើង ហើយបណ្ដាប្រទេសមិនបានប្ដូរទៅរកថាមពលស្អាតឲ្យបានទាន់ពេលវេលានោះការធ្វើឲ្យចាប់អារម្មណ៍នូវការរៀបចំបច្ចេកវិទ្យាខ្ពស់ នឹងក្លាយទៅជាមិនអាចចៀសវាងបានសម្រាប់មនុស្សជាច្រើន។ អ្នកជំនាញខាងអាកាសធាតុបាននិយាយថា ប៉ុន្ដែវិស្វកម្មភូមិសាស្ដ្រទាំងអស់ ដែលបានស្នើឡើងនាំយកជាមួយនូវគ្រោះថ្នាក់ និងការកំណត់យ៉ាងធ្ងន់ ដែលមនុស្សជាច្រើនមានការសង្ស័យអំពីតម្លៃ និងលទ្ធភាព ដែលអាចធ្វើបាន និងការគ្រប់គ្រង។
ដំណោះស្រាយដោយផ្ទាល់ចំពោះកម្ដៅពិភពលោកជាយូរមកហើយគឺដើម្បីទប់ស្កាត់ឧស្ម័នផ្ទះកញ្ចក់ ដែលនាំមកនូវកម្ដៅដែលផ្ដល់ផលល្អដោយថាមពល ឬក៏ប្ដូរទៅរកថាមពលកកើតឡើងវិញ ដែលស្អាតនោះ។ បើទោះបីជាមានការកើនឡើងដ៏ឆាប់រហ័សនូវថាមពលពន្លឺព្រះអាទិត្យ និងថាមពលបង្កើតដោយខ្យល់ក៏ដោយក៏ការផ្លាស់ប្ដូរមិនបានកើតឡើងឲ្យគ្រប់គ្រាន់ និងឆាប់រហ័សនោះដែរ។ ដូច្នេះមធ្យោបាយដើម្បីរក្សាកម្ដៅពិភពលោកឲ្យស្ថិតនៅក្រោម ២ អង្សាសេធៀបទៅនឹងកម្រិតមុនបដិវត្ដឧស្សាហកម្មនោះ ទិសដៅដែលទទួលយកនៅក្នុងការពិភាក្សារបស់ប្រទេស ១៩៥ បានធ្វើឲ្យរួមតូចនូវពេលវេលា។
ប៉ុន្ដែមហិច្ឆតាជាច្រើនថែមទៀតនៅតែត្រូវការ។ កិច្ចព្រមព្រៀងទីក្រុងប៉ារីស បានអំពាវនាវដល់បណ្ដាប្រទេសឲ្យបន្ដការខិតខំថែមទៀត ដើម្បីកម្រិតកម្ដៅពិភពលោកឲ្យនៅត្រឹមកម្រិត ១.៥ អង្សាសេ។ បច្ចុប្បន្ន បើទោះបីជាមានសេណារីយោប្រកបដោយការប្ដេជ្ញាយ៉ាងខ្លាំងដើម្បីកាត់បន្ថយប្រេងហ្វូស៊ីលលាតត្រដាងដោយស្ថាប័នដ៏ខ្លាំងនៃអ្នកផ្ដល់យោបល់វិទ្យាសាស្ដ្រចំនួន ៣០០០ នាក់របស់អង្គការសហប្រជាជាតិក៏ដោយ ក៏ក្រុមអន្ដររដ្ឋាភិបាលស្ដីអំពីការប្រែប្រួលអាកាសធាតុបានពឹងផ្អែកយ៉ាងខ្លាំងទៅលើការដកយកចេញនូវកាបូនឌីអុកស៊ីដ(Co2) ពីបរិយាកាសនោះដែរ។
លោក Chris Jones អ្នកវិទ្យាសាស្រ្ដម្នាក់នៅមជ្ឈមណ្ឌល Met Hadley របស់ប្រទេសអង់គ្លេស និងជាសមាជិកអ្នកនិពន្ធនៃការសិក្សាពិនិត្យមើលឡើងវិញនូវការសម្លឹងមើលឲ្យវែងឆ្ងាយទៀតអំពីការខិតខំរបស់ផ្នែកវិស្វកម្មភូមិសាស្ដ្រនោះបាននិយាយថា ស្ទើរតែទាំងអស់នៃសេណារីយោស្ដីពីការបំភាយឧស្ម័ន គឺសេណារីយោជាង ១០០ ក្នុងចំណោម ១១៦ ដែលវាយតម្លៃដោយ IPCC ថា បានរក្សាកម្រិតមធ្យមនៃកម្ដៅពិភពលោកឲ្យនៅក្រោម ២ អង្សាសេ ដែលជាទំហំយ៉ាងធំនូវការដកយកចេញនូវឧស្ម័ន Co2 ពីបរិយាកាសនៅដំណាច់នៃសតវត្សរ៍នេះ៕
AFP
អាកាសធាតុវិស្វកម្ម ៖ ពីអ្នកមិនរាប់រក ទៅជាអ្នកសង្គ្រោះ
0 Comments