ភ្នំពេញ ៖ នៅវេលាម៉ោង៩និង១០នាទីព្រឹកថ្ងៃទី២៨ ខែធ្នូនេះ បញ្ជរទារប្រាក់ពីអ្នកដំណើរនៅតាមបណ្ដោយផ្លូវវែងស្រេង ជាពិសេសនៅមុខទីបញ្ជាការដ្ឋានកងរាជអាវុធហត្ថរាជធានីភ្នំពេញនៅសង្កាត់ស្ទឹងមានជ័យត្រូវបានខាងក្រុមបច្ចេកទេសរបស់ក្រុមហ៊ុនកំពុងរុះរើម៉ាស៊ីន ដែលធ្លាប់តែដាក់បញ្ឈរកាក់យកលុយឡាន និងអ្នកដំណើរ។
ការរុះរើនេះធ្វើឡើងតាមប្រសាសន៍របស់សម្ដេចតេជោ ដែលបង្ហោះតាមហ្វេសប៊ុកពាក់ព័ន្ធនឹងការផ្ដល់ផ្លូវនោះជូនពលរដ្ឋវិញ។ ភ្លាមៗនោះដែរ ហើយកាលពីវេលាម៉ោង២១យប់មិញ លោកពេជ្រ កែវមុន្នី អភិបាលខណ្ឌមានជ័យ និងឡុង ង៉ែត អភិបាលរងខណ្ឌបានចុះទៅធ្វើកិច្ចសន្យាជាមួយក្រុមហ៊ុនឲ្យដកសម្ភារៈពាក់ព័ន្ធនឹងការយកលុយពីម្ចាស់រថយន្តឆ្លងកាត់ផ្លូវវែងស្រេងនោះចេញ៕
ក្រុមបច្ចេកទេសកំពុងរុះរើម៉ាស៊ីន ពាក់ព័ន្ធនឹងការយកលុយពីម្ចាស់រថយន្ត
0 Comments