ការជំរុញ​វិស័យ​អប់រំ ប្រទេស​តង់​ហ្សា​នី​ ​នឹងដាក់​ទណ្ឌកម្ម​ឪពុកម្ដាយ ​ដែល​មិន​ឲ្យ​កូនចៅ​ទៅ​សាលារៀន

​នៅពេលដែល​ប្រទេស​តង់​ហ្សា​នី​ ​រៀបចំ​ដើម្បី​ដាក់បញ្ចូល​ការអប់រំ​ជា​មូលដ្ឋាន ដោយ​មិន​បង់ប្រាក់​សម្រាប់​មនុស្ស​ទាំងអស់គ្នា រដ្ឋាភិបាល​បាន​ព្រមាន​ថា ​ខ្លួន​នឹងដាក់​ទណ្ឌកម្ម​ដល់​ឪពុកម្ដាយ ដែល​មិនបាន​ធានា​កូនចៅ​របស់​ពួកគេ​ឲ្យ​ទៅ​សាលារៀន​នោះ​។

​

​នៅក្នុង​ការផ្លាស់ប្ដូរ​គោល​នយោបាយ​ដ៏​សំខាន់​មួយ​នេះ ​ការសិក្សា​នៅ​សាលាបឋមសិក្សា ​និងមធ្យម​សិក្សា​នឹងត្រូវ​ប្រ​ព្រឹ​ត្ដទៅ​ដោយ​មិន​បង់ប្រាក់​សម្រាប់​កុមារ​តង់​ហ្សា​នី​ទាំងអស់ ​ចាប់ពី​ខែមករា​​តទៅ ​នៅពេលដែល​រដ្ឋាភិបាល​ចូលរួម​ជាមួយ​ប្រទេស​អ៊ូ​ហ្គង់​​ដា​​ជិតខាង នៅ​អាហ្វ្រិក​ខាងកើត នៅក្នុង​ការផ្ដល់​ការអប់រំ​ជា​សកល​ដោយ​មិន​បង់ប្រាក់​។

​

​លោក George Masaja អគ្គមេធាវី​របស់​ប្រទេស​តង់​ហ្សា​នី​ ​បាន​ព្រមាន​ថា​ ​ឪពុកម្ដាយ ដែល​ត្រូវបាន​ចាត់ទុកថា​ ​បាន​ហាមឃាត់​ការខិតខំ​ដើម្បី​បង្កើត​សង្គម​មួយដែល​​ចេះអក្សរ​ ដោយ​ហាមឃាត់​កូនចៅ​មិន​ឲ្យ​ទៅ​សាលារៀន​នោះ​​នឹងត្រូវ​ប្រឈម​នឹង​ការផ្ដន្ទាទោស​។​ លោក​ Masaja បាន​និយាយថា ​ការបង្ក​ឲ្យ​កុមារ​បោះបង់ចោល​សាលារៀន​សម្រាប់​មូលហេតុ​ណាមួយ​ក៏ដោយ គឺជា​បទល្មើស​ព្រហ្មទណ្ឌ ​ពីព្រោះ​អ្នក​ប្រឆាំងនឹង​សិទ្ធិ​ជា​សារ​វ័​ន្ដ​ក្នុងការ​ទទួលបាន​នូវ​ការអប់រំ​។​ ​លោក Masaja បាន​និយាយ​ដូច្នេះ កាលពី​ចុងខែ​មុន ​នៅក្នុង​ពិធី​ប្រគល់​សញ្ញាបត្រ នៅ​​សាលា Feza School នៅ​ Dar es Salaam​។

​

​យោងតាម​អង្គការ UNICEF បាន​ឲ្យ​ដឹងថា​ ការ​បំបាត់​ចោល​នូវ​ការបង់ថ្លៃ​ការសិក្សា​របស់​រដ្ឋាភិបាល នៅ​សាលាបឋមសិក្សា នៅក្នុង​ឆ្នាំ២០០២ បាន​ជួយ​បង្កើន​ការចុះឈ្មោះ​ចូលរៀន​របស់​កុមារ​អាយុ​ពី ៧ ទៅ ១៣ ឆ្នាំ​​នៅក្នុង​ឆ្នាំ​២០១១ ​បាន​ចំនួន ៩៤ ភាគរយ ពី​ចំនួន ៥៩ ភាគរយ​នៅក្នុង​ឆ្នាំ២០០០។​ ​ប៉ុន្ដែ​ឪពុកម្ដាយ​នៅតែ​ត្រូវ​បង់ប្រាក់​បន្ថែម​ដូចជា​ថ្លៃ​សៀវភៅ​របស់​សាលា ​និង​ឯកសណ្ឋាន ​ក៏ដូចជា​ថ្លៃ​សាលា​សម្រាប់​សាលា​មធ្យមសិក្សា​មួយចំនួន​ដែរ​។

​គោលនយោបាយ​ថ្មី​នេះ​​មានបំណង​ដើម្បី​រំដោះ​ឪពុកម្ដាយ​ចេញពី​ការបង់ថ្លៃ​ណាមួយ ​និង​រួមវិភាគទាន​ដល់​ការសិក្សា​រយៈពេល ១១ ឆ្នាំ​។ ​នៅពេលដែល​ខ្លួន​បាន​ចាប់បង្ខំ​ឪពុកម្ដាយ ​រួចហើយ​ឲ្យ​បញ្ជូន​កូនចៅ​របស់​ពួកគេ​ទៅ​សាលារៀន​នោះ​​ឪពុកម្ដាយ​មិនត្រូវ​បាន​ផ្ដន្ទាទោស​នៅក្នុងពេល​កន្លងមក​នោះទេ​។​ នៅក្នុង​ប្រទេស​ក្រីក្រ​មួយ​នេះ ​ដែល​វិស័យ​កសិកម្ម​បាន​ប្រើ​កម្លាំង​ពលកម្ម​ជាង ៨០ ភាគរយ​នោះ ​កុមារ​តង់​ហ្សា​នី​​ ជួនកាល​ត្រូវបាន​ឃាត់ទុក​នៅផ្ទះ​ដើម្បី​ធ្វើការ​នៅក្នុង​វិស័យ​នានា ​ឬក៏​លក់​ផ្លែឈើ ​និង​បន្លែ​នៅក្នុង​ទីក្រុង។

​

​ចាប់ពី​ខែមករា​តទៅ ​ឪពុកម្ដាយ​ដែល​ធ្វើ​ខុស​នឹង​ត្រូវបាន​ផាកពិន័យ ​ប៉ុន្ដែ​មន្ដ្រី​មិនទាន់បាន​កំណត់ថា ​តើ​ត្រូវ​ផាកពិន័យ​ប៉ុន្មាន​នោះទេ​។​ លោក​ Mary James គ្រូបង្រៀន​នៅ​សាលាបឋមសិក្សា នៅ​Mwanza នៅ​ភាគ​ខាងជើង​ប្រទេស​តង់​ហ្សា​នី​​ បាន​និយាយថា​ បញ្ហា​ដ៏​ធំ​បំផុត​នោះ​គឺ​ភាពក្រីក្រ ដែល​ប្រជាជន​ភាគច្រើន​កំពុង​ប្រឈម ​ប្រសិនបើ​មានការ​ខិតខំ​ឲ្យ​បាន​ខ្លាំងក្លា​ដើម្បី​បញ្ចប់​ភាពក្រីក្រ​នោះ​។ ​ភាគច្រើន​នៃ​បញ្ហា​ទាំងនេះ​នឹងត្រូវ​បាន​វិនាស​បាត់បង់​ជាធម្មតា។

​

​នៅ​ទូទាំង​ពិភពលោក ចំនួន​កុមារ ដែល​ស្ថិតនៅ​ខាងក្រៅ​សាលារៀន​កើន​ឡើងដល់​ចំនួន ២.៤ លាន​នាក់​នៅ​ចន្លោះ​ឆ្នាំ ២០១០ ​និង​ឆ្នាំ ២០១៣ ​និង​បាន​ឡើងដល់​ចំនួន​សរុប​ជាង ៥៩ លាន​នាក់​។ ​ក្នុង​ចំនួន​នោះ ៣០ លាន​នាក់​រស់នៅក្នុង​អនុតំបន់​សាហា​រ៉ា​អាហ្វ្រិក​។​ នេះ​បើ​យោងទៅតាម​អង្គការ UNESCO បាន​ឲ្យ​ដឹង​៕

Reuters

ការជំរុញ​វិស័យ​អប់រំ ប្រទេស​តង់​ហ្សា​នី​ ​នឹងដាក់​ទណ្ឌកម្ម​ឪពុកម្ដាយ ​ដែល​មិន​ឲ្យ​កូនចៅ​ទៅ​សាលារៀន