មន្ត្រីបាននិយាយកាលពីថ្ងៃសុក្រថា ជនរងគ្រោះនៃការ hack ដ៏ធំមួយទៅលើឯកសារក្នុងកុំព្យូទ័ររបស់រដ្ឋាភិបាលអាមេរិក ដែលមានមនុស្សជាងមួយលាននាក់ នៅមិនទាន់ទទួលបានការជូនដំណឹងជាផ្លូវការនៅឡើយទេថា ទិន្នន័យរបស់ពួកគេត្រូវបានគេលួច ហើយក៏មិនទាន់បញ្ជាក់ថា ពួកគេមានសិទ្ធិទទួលបានការការពារក្នុងការត្រួតពិនិត្យឥណទានដោយឥតគិតថ្លៃនៅឡើយទេ។
ក្នុងសប្តាហ៍នេះ រដ្ឋាភិបាលបានបញ្ចប់ការផ្ញើការជូនដំណឹងតាមរយៈសេវាប្រៃសណីយ៍ទៅកាន់មនុស្សជាង ២១.៥ លាននាក់ ដែលបានរងផលប៉ះពាល់ដោយការរំលោភបំពាននេះ ដោយបានឲ្យដឹងថា ការិយាល័យគ្រប់គ្រងបុគ្គលិក (OPM) ក្នុងទីភ្នាក់ងារសហព័ន្ធ ត្រូវបានគេលួចចូលបណ្តាញ។
ការរំលោភបំពាន បានផ្សារភ្ជាប់ទៅនឹងប្រទេសចិន ដែលបានចាប់ផ្តើមក្នុងខែឧសភា ឆ្នាំ២០១៤ ហើយមិនបានរកឃើញ និងធ្វើការប្រកាសជាសាធារណៈ រហូតដល់មួយឆ្នាំក្រោយពីមានបញ្ហា។
OPM បាននិយាយថា ការជូនដំណឹងតាមប្រៃសណីយ៍នេះ គួរតែបានទៅដល់ នៅពេលពាក់កណ្តាលនៃសប្តាហ៍ក្រោយ ប៉ុន្តែប្រហែលជា ៧ភាគរយនៃអ្នកប្រើប្រាស់ត្រូវបាន hack ឬក៏ប្រហែល ១.៥ លាននាក់ មិនអាចទទួលសំបុត្រនៃការជូនដំណឹង ពីព្រោះអាសយដ្ឋានរបស់ពួកគេបានផ្លាស់ប្តូរ ឬមិនមាននៅលើឯកសារ។
ការ Hack នេះបានលាតត្រដាងឈ្មោះ អាសយដ្ឋាន លេខសម្ងាត់ ក្នុងបណ្តាញសង្គម និងព័ត៌មានដែលអាចមានផលប៉ះពាល់ផ្សេងទៀត សម្រាប់បុគ្គលិកនាពេលបច្ចុប្បន្ន និងអតីតបុគ្គលិកនៃសហព័ន្ធ និងអ្នកម៉ៅការ ព្រមទាំងអ្នកដាក់ពាក្យសុំការងារជាសហព័ន្ធ និងបុគ្គលដែលបានរាយឈ្មោះនៅលើការត្រួតពិនិត្យប្រវត្តិរូប។
នៅក្នុងបទសម្ភាសន៍ កាលពីថ្ងៃសុក្រ អ្នកនាំពាក្យរបស់ OPM បាននិយាយថា ខ្លួននឹងធ្វើការជូនដំណឹងតាមប្រៃសណីយ៍ថ្មី ឬក៏ទៅកាន់អាសយដ្ឋាន ដែលបានផ្លាស់ប្តូរ ដោយពឹងផ្អែកលើ “យុទ្ធនាការប្រព័ន្ធផ្សព្វផ្សាយ” ដើម្បីប្រាប់មនុស្សឲ្យពួកគេអាចពិនិត្យមើលលើបណ្តាញ ដើម្បីរកមើលថា តើទិន្នន័យរបស់ពួកគេត្រូវបានលួច ឬអត់។
OPM នឹងមិនពឹងផ្អែកលើការជូនដំណឹងអ៊ីមែលដើម្បីជម្រះបញ្ហានេះទេ។ ជនរងគ្រោះទំហំតូច ដែលទាក់ទងទៅនឹង OPM ត្រូវបានជូនដំណឹងនៃការ hack ដោយអ៊ីមែល និងបានណែនាំអំពីអ្វីដែលត្រូវធ្វើ ប៉ុន្តែអ្នកជំនាញមួយចំនួនបានឲ្យដឹងថា ជាអកុសលសារនោះមានលក្ខណៈស្រដៀងនឹងគ្រោងការក្នុងការបន្លំមួយ។
Clifton Triplett ទីប្រឹក្សាតាមប្រព័ន្ធអ៊ីនធើណេត ដែលទើបតែបានតែងតាំងថ្មីដោយ OPM បានប្រាប់រ៉យទ័រ កាលពីថ្ងៃសុក្រថា៖ “វាគ្រាន់តែមិនមានសុវត្ថិភាព”។
រដ្ឋាភិបាល បានផ្ដល់ឲ្យក្រុមហ៊ុនបច្ចេកវិទ្យាកម្រិតខ្ពស់នូវគំនិតមួយ ក្នុងការចុះកិច្ចសន្យា ១.៨ លានដុល្លារ ដើម្បីជួយកំណត់ទីតាំង និងជូនដំណឹងដល់អ្នកដែលរងផលប៉ះពាល់ ដោយការលួចទិន្នន័យនេះ។ មានទឹកប្រាក់ជាង ១៣០ លានដុល្លារនឹងត្រូវបានផ្តល់សម្រាប់អ្នក ដែលអាចកំណត់អត្តសញ្ញាណ Theft Guard Solutions ដើម្បីផ្តល់ឲ្យមាននូវការធានារ៉ាប់រងលើឥណទាន និងការលួចអត្ដសញ្ញាណរបស់ជនរងគ្រោះ អស់រយៈពេលបីឆ្នាំកន្លងមក។
ក្រុមអ្នកស្រាវជ្រាវអ៊ីនធើណេតបាននិយាយថា គ្មានការបង្ហាញថា ដំណឹងអំពីការ Hack សម្រាប់លក់នៅលើទីផ្សារងងឹតលើបណ្តាញនៅឡើយទេ ហើយបានបន្តថា នេះបង្ហាញថា រដ្ឋាភិបាលចិនមិនមែនជាឧក្រិដ្ឋជននោះទេ៕
ជនរងគ្រោះក្នុងការ Hack ទៅលើ OPM ជាងមួយលាននាក់ នៅមិនទាន់បានជូនដំណឹង
0 Comments