ឧត្តរមានជ័យ ៖ ពលរដ្ឋ២នាក់ប្តីប្រពន្ធត្រូវរថយន្តដឹកប្រេងក្រុមហ៊ុនជេនគូ បុកខណៈបើករថយន្តបណ្តាលឲ្យរបួសធ្ងន់ស្រាល ខណៈពេលធ្វើដំណើរតាមបណ្តោយផ្លូវលេខ១៧១ ចំណុចមុខផ្សារទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ កាលពីវេលាម៉ោង១៩និង០០នាទី យប់ថ្ងៃទី១៥ ខែធ្នូ ឆ្នាំ២០១៥។
នគរបាលស្រុកអន្លង់វែងបានឲ្យដឹងថា ជនរងគ្រោះមានឈ្មោះ សាន្ត ប្រុស ភេទប្រុស អាយុ២៨ឆ្នាំ រស់នៅភូមិថ្មី ឃុំត្រពាំងតាវ បើកបររថយន្តម៉ាកកាមរីកាលីសេរី៨៩ ពណ៌ប្រផេះ ពាក់ស្លាកលេខ ឃ- ២០៥១ ភ,ព២ បណ្តាលឲ្យរបួសធ្ងន់ អ្នករួមដំណើរត្រូវជាមួយចំនួន០២ នាក់ ១/ ឈ្មោះ ចេក កាក់និកា អាយុ២៦ឆ្នាំ ត្រូវជាប្រពន្ធរងបួសស្រាល ២-ឈ្មោះ សាន ចំណាន ភេទប្រុស អាយុ៤ឆ្នាំត្រូវជាកូន រងរបួសស្រាល។
រីឯអ្នកបើកបររថយន្តប្រេង ឈ្មោះ គឹម ចាន់ថន ភេទប្រុស អាយុ៤៧ រស់នៅភូមិដើមជ្រៃ សង្កាត់អូរស្មាច់ ក្រុងសំរោងបើកបររថយន្តដឹកប្រេងម៉ាក ហ៊ីណូ ពាក់ស្លាកលេខ ភ្នំពេញ ៣A ០១២៦ របស់ក្រុមហ៊ុនជេនគូ នៅអូរស្មាច់។
ក្រោយកើតហេតុ ជនរងគ្រោះត្រូវបាននគរបាលអន្តរាគមន៍បញ្ជូនទៅសង្គ្រោះ រីឯរថយន្តដឹកប្រេងនិងរថយន្តកាំម៉ារីត្រូវបាននគរបាលនាំយកទៅរក្សាទុកដើម្បីដោះស្រាយគ្នាតាមផ្លូវច្បាប់៕
រថយន្តដឹកប្រេងក្រុមហ៊ុនជេនគូបុកជាមួយកាម៉ារីរបួសធ្ងន់ស្រាល២នាក់
0 Comments