ពោធិ៍សាត់ ៖ ស្ត្រីម្នាក់បានសម្រេចចិត្តបញ្ចប់ជីវិតត្រឹមអាយុ៤៩ឆ្នាំ ដោយខ្លួនឯងយកខ្សែក្របីឡើងដើមអំពិលទាក់.កសម្លាប់ខ្លួន ព្រោះតែវិបត្តិជំងឺប្រចាំកាយឈឺចាប់រាល់ថ្ងៃ។
ហេតុការណ៍នេះបានកើតឡើងកាលពីម៉ោង៥និង៣០នាទីព្រឹក ថ្ងៃទី២៦ ខែធ្នូ ឆ្នាំ២០១៥ នៅក្នុងភួមិកំរ៉ែង ឃុំស្វាយស ស្រុកក្រគរ ខេត្តពោធិ៍សាត់។ អាជ្ញាធរក្នុងភូមិកំរ៉ែងបានឲ្យដឹងថាជនរងគ្រោះដោយអត្តឃាតខ្លួនឯងឈ្មោះ ជួន ច្រឹប អាយុ៤៩ឆ្នាំ ភេទស្រី រស់នៅភូមិកើតហេតុខាងលើ។
បើតាមអាជ្ញាធរភូមិទទួលព័ត៌មានពីក្រុមគ្រួសារស្ត្រីរងគ្រោះបាននិយាយថា ស្ត្រីនេះមានជំងឺរ៉ាំរ៉ៃប្រចាំកាយជាយូរឆ្នាំហើយ ដោយជំងឺនេះធ្វើទុករូបគេឈឺចាប់ពេញរាងកាយតែម្ដង ហូបក៏មិនបានសម្រាន្តក៏មិនលក់ស្រួល ឈឺស្រែកថ្ងូររាល់យប់ ដោយនៅមុនពេលកើតហេតុក្បាលព្រលប់ឃើញគាត់ដេករអ៊ូរទាំក្នុងផ្ទះ ជាមួយគ្រួសារដូចរាល់សព្វដង។ ហើយទំនងជាចូលរំលងទៀបភ្លឺនោះ ចំពេលក្រុមគ្រួសារដេកលង់លក់ស្ត្រីខាងលើក៏បានក្រោកពីដំណេក ចុះទៅដីទាញខ្សែក្របីដើរទៅដើមអំពិលក្បែរផ្ទះ រួចក៏ចង.កសម្លាប់ខ្លួន ទើបព្រឹកឡើងក្រុមគ្រួសារភ្ញាក់ពីដំណេក ឃើញស្ត្រីរូបនេះបានអត្តឃាតខ្លួនឯងស្លាប់បាត់ទៅហើយ រាយការណ៍ដល់សមត្ថកិច្ចតែម្ដង។
ក្រោយកើតហេតុនគរបាលជំនាញបានធ្វើកោសល្យវិច័យសាកសពពិតជាបានចង.កសម្លាប់ខ្លួនពិតប្រាកដមែន ហើយត្រូវបានក្រុមគ្រួសារយកសពដាក់តម្កល់លើផ្ទះដើម្បីធ្វើបុណ្យតាមប្រពៃណី៕
បញ្ចប់ជីវិតត្រឹមអាយុ៤៩ឆ្នាំដោយអត្តឃាខ្លួនឯងព្រោះពិបាកនឹងសូទ្រាំជំងឺឈឺចាប់ដ៏រ៉ាំរ៉ៃក្នុងខ្លួន
0 Comments