បន្ទាយមានជ័យ ៖ នៅវេលាម៉ោង៥រសៀលថ្ងៃទី១៥ ខែធ្នូ ឆ្នាំ២០១៥នេះ សមត្ថកិច្ចខណ្ឌរដ្ឋបាលព្រៃឈើខេត្តបន្ទាយមានជ័យ រួមជាមួយនឹងព្រះរាជអាជ្ញា ដែលមានតំណាងអយ្យការអមសាលាដំបូងខេត្តបន្ទាយមានជ័យ បានដឹកនាំត្រួតពិនិត្យផ្ទះមួយកន្លែងស្ថិតក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ដែលលាក់ទុកឈើគ្រញូងនៅក្នុងឡានបម្រុងនាំចេញទៅក្រៅខេត្ត។
សេចក្ដីរាយការណ៍បានឲ្យដឹងថា ឈើគ្រញូងនេះមានមានមុខប្រហែល១តឹក ទៅ២តឹក ហើយមានប្រវែងខ្លះ១ម៉ែត្រ ខ្លះកន្លះម៉ែត្រ ផ្ទុកពេញមួយឡានចង្កូតស្ដាំ ពណ៌ប្រផេះ គ្មានស្លាកលេខ។ បច្ចុប្បន្នឈើ ត្រូវបានកម្លាំងសមត្ថកិច្ចនាំយកទៅរក្សាទុកនៅរដ្ឋបាលព្រៃឈើដើម្បីធ្វើការថ្លឹង និងរាប់ចំនួន។ ចំណែកម្ចាស់ផ្ទះខាងលើបានគេចខ្លួនបាត់អស់ មុនពេលសមត្ថកិច្ចចុះបង្ក្រាប៕
ផ្ទុកឈើគ្រញូងពេញឡានបម្រុងនាំចេញទៅក្រៅខេត្ត ត្រូវសមត្ថកិច្ចចុះបង្ក្រាបទាន់
0 Comments