បន្ទាយមានជ័យ ៖ អាជ្ញាធរ សមត្ថកិច្ច និងយុវជនកាកបាទក្រហមស្រុកមង្គលបូរី ខេត្តបន្ទាយមានជ័យ កាលពីព្រឹកថ្ងៃទី១៥ ខែធ្នូ ឆ្នាំ២០១៥ បានបើកយុទ្ធនាការផ្សព្វផ្សាយច្បាប់ចរាចរណ៍ថ្មី ដែលត្រូវអនុវត្តថ្ងៃទី១ ខែមករា ឆ្នាំ២០១៦ ដោយធ្វើការដង្ហែជាក្បួនតាមផ្លូវសាធារណៈ។
លោកអភិបាលរងស្រុកមង្គលបូរីបានលើកឡើងថា ការរៀបចំពិធីនេះឡើង ដោយមានការរៀបចំគាំទ្រពីអង្គការដៃគូដើម្បីផ្សព្វផ្សាយដល់ប្រជាពលរដ្ឋ និងយុវជនកាកបាទក្រហម បានយល់ពីច្បាប់ចរាចរណ៍ថ្មី ដែលត្រូវអនុវត្តនៃថ្ងៃដំបូង ឆ្នាំ២០១៦ ដែលច្បាប់នេះមានការផាកពិន័យ និងដាក់ទោសទៅលើអ្នកទាំងឡាយណាដែលល្មើសច្បាប់ក្នុងការបើកបរ។
លោក ស៊ី ឌី អធិការនគរបាលស្រុកមង្គលបូរីក៏បានលើកឡើងផងដែរថា ដើម្បីគេចផុតពីគ្រោះថ្នាក់ចរាចរណ៍ និងផាកពិន័យពីសមត្ថកិច្ចនគរបាលចរាចរណ៍ សូមឲ្យអ្នកបើកបរ ក៏ដូចជាអ្នករួមដំណើរលើមធ្យោបាយយានយន្តគ្រប់ប្រភេទ ត្រូវស្វែងយល់ឲ្យបានច្បាស់ពីច្បាប់ចរាចរណ៍ថ្មីដែលត្រូវអនុវត្តនៅថ្ងៃទី១ ខែមករា ឆ្នាំ២០១៥។ អ្វីដែលសំខាន់ គឺបើកបរត្រូវពាក់មួកសុវត្ថិភាព ដាក់ខ្សែក្រវាត់ កុំបើកបរក្រោមឥទ្ធិពលជាតិស្រវឹង និងមិនបើកបរលើសល្បឿនកំណត់។ បន្ទាប់ពីការលើកឡើងរបស់អាជ្ញាធរ ក៏ដូចជាសមត្ថកិច្ចលើបញ្ហាច្បាប់ដល់ប្រជាពលរដ្ឋ និងប្អូនៗជាយុវជនរួចមក ក៏មានការដើរដង្ហែក្បួន ដោយមានបដាជាពាក្យស្លោកទាក់ទងនឹងសុវត្ថិភាពក្នុងការបើកបរតាមផ្លូវ ក្នុងទីរួមស្រុក ដើម្បីឲ្យប្រជាពលរដ្ឋដែលមិនបានចូលរួមបានយល់ និងគោរពច្បាប់ទាំងអស់គ្នា៕
បើកយុទ្ធនាការផ្សព្វផ្សាយច្បាប់ចរាចរណ៍ថ្មី ត្រូវអនុវត្តថ្ងៃទី១ឆ្នាំថ្មី
0 Comments