ពោធិ៍សាត់ ៖ មានហេតុការណ៍គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៩និង៤០នាទីព្រឹក ថ្ងៃទី២៧ ខែធ្នូ ឆ្នាំ២០១៥ លើកំណាត់ផ្លូវជាតិលេខ៥ ត្រង់ចំណុច១៩៦-១៩៧ ស្ថិតនៅក្នុងភូមិក្រពើរោ ឃុំស្នាមព្រះ ស្រុកបាកាន ខេត្តពោធិ៍សាត់ បង្កដោយរថយន្តដឹកទឹកបរិសុទ្ធ “ហេងហេង” បានផ្ទុះកង់បណ្ដាលឲ្យក្រឡាប់ ហើយក្នុងនោះបណ្ដាលឲ្យរបួសធ្ងន់កម្មករដឹកទឹកសុទ្ធ៣នាក់ផងដែរ។ ហើយចំណែកឯអ្នកបើកឡានមិនមានរងរបួសអ្វីនោះទេ។
ប្រភពបានឲ្យដឹងថា រថយន្តមួយគ្រឿងដែលមានគ្រោះថ្នាក់នេះ គឺរថយន្តប្រភេទហ៊ីយ៉ាន់ដាយ ពណ៌ខៀវ ពាក់ស្លាកលេខភ្នំពេញ 2D6270 បើកបរក្នុងទិសដៅពីកើតទៅលិច ពេលដែលមកដល់ចំណុចកើតហេតុនោះ ក៏បានផ្ទុះកង់ខាងក្រោយផ្នែកខាងស្តាំ បណ្តាលឲ្យរថយន្តនេះក្រឡាប់ ហើយរងរបួសដល់កម្មករចំនួន៣នាក់ធ្ងន់ធ្ងរ ឯអ្នកបើកឡានមិនមានរងរបួសអ្វីនោះទេ៕
រថយន្តដឹកទឹកសុទ្ធមួយគ្រឿង ផ្ទុះកង់ក្រឡាប់ រងរបួសធ្ងន់កម្មករ៣នាក់
0 Comments