ភ្នំពេញ ៖ ប៉ាណូផ្ទះម្លិះម៉ាស្សា ស្ទីម មួយកន្លែង ត្រូវអគ្គិភ័យឆាបឆេះ កាលវេលាម៉ោង៣ និង១៥នាទីថ្ងៃទី១០ ខែធ្នូ ឆ្នាំ២០១៥ ដែលស្ថិតនៅផ្ទះលេខ១២៦ ក្រុម៧១ ភូមិ១ តាមបណ្ដោយផ្លូវសុធារស់ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ប៉ុន្តែមិនបណ្តាលឲ្យនរណារងរបួសនោះទេ។
សាក្សីបានឲ្យដឹងថា នៅមុនពេលកើតហេតុ គេឃើញមានផ្សែងហុយៗពីប្រអប់ប៉ាណូខាងលើយីហោ ម្លិះ ម៉ាស្សា និងស្ទឹមនឹងអណ្តាតភ្លើងតិចៗ និងផ្សែងបាញ់ឡើងបានបង្កអោយភ្ញាក់ផ្អើលដល់ប្រជាពលរដ្ឋ និងអ្នកធ្វើការនៅក្នុងនោះហើយ បានទំនាក់ទំនងទៅនគរបាលមូលដ្ឋានហៅរថយន្តពន្លត់អគ្គិភ័យមកបាញ់ពន្លត់ភ្លើង សរុប៦គ្រឿងមកអន្តរាគមន៍ តែដោយភ្លើងមិនធ្ងន់ធ្ងរសមត្ថកិច្ចបានប្រើ រថយន្តពន្លត់អគ្គិភ័យអស់តែ១គ្រឿងភ្លើងក៏រលត់ទៅ។
សមត្ថកិច្ចបានឲ្យដឹងថា មូលហេតុនាំឲ្យមានអគ្គិភ័យនេះ គឺបណ្តាលមកពីទុសេខ្សែភ្លើង ប៉ុន្តែមិនបណ្ដាលឲ្យមនុស្សណារងរបួសនោះទេ គ្រាន់តែ ខូចខាតសម្ភារៈមួយចំនួនប៉ុណ្ណោះ៕
ឆេះប៉ាណូផ្ទះម៉ាស្សាម្លិះផ្អើលឆុល សំណាងអន្តរាគមន៍ទាន់ពេល
0 Comments