បន្ទាយមានជ័យ ៖ នៅវេលាម៉ោង៥និង៣៥នាទីមានករណីគ្រោះថ្នាក់ចរាចរណ៍មួយបានកើតឡើងនៅលើផ្លូវបំបែកជា៤ ដែលជាផ្លូវលំក្នុងភូមិអូរអំបិល សង្កាត់អូរអំបិល ក្នុងសេរីសោភណ្ឌ ខេត្តបន្ទាយមានជ័យ គ្រោះថ្នាក់ចរាចរណ៍នេះ គឺបណ្ដាលមកពីរថយន្តនិងម៉ូតូបុកខ្ទាតធ្លាក់ប្រឡាយនៃផ្លូវ។
បើតាមសាក្សីដែលឃើញហេតុការណ៍បាននិយាយថា ម៉ូតូមួយគ្រឿងដែលបើកបរពីត្បូងទៅជើង លុះមកដល់ផ្លូវបំបែកជា៤ខាងលើក៏ត្រូវបានរថយន្តមួយគ្រឿងទៀត ដែលពាក់ស្លាកលេខ បាត់ដំបង 2A-2753 ពណ៌ខ្មៅ ស៊េរីឆ្នាំ៩៥ ចង្កូតស្តាំ បើកបរពីលិចទៅកើតលុះដល់ផ្លូវបំបែកជា៤ខាងលើ ក៏បុកក្បាលម៉ូតូបណ្ដាលឲ្យម៉ូតូ ធ្លាក់ចូលក្នុងប្រឡាយផ្លូវ ពុំមានទឹកមានសុទ្ធតែថ្ម ចំណែកអ្នកបើកម៉ូតូម្នាក់ដែលបើកនោះបានខ្ទាតមកលើផ្លូវ រងរបួសស្រាល់។
សេចក្តីរាយការណ៍បានឲ្យដឹងថា ជនរងគ្រោះមានអាយុទើបតែ១៦ឆ្នាំ ដោយមិនមានគ្រោះថ្នាក់ធ្ងន់ធ្ងរនោះទេ គ្រាន់តែរលាតដៃជើង នៅពេលដែលរថយន្តបុក ចំណែករថយន្តរងការខូចខាតមួយចំនួន។
ក្រោយកើតហេតុភ្លាមៗ ត្រូវបានប្រជាពលរដ្ឋដែលនៅជិតបានជួយអូសម៉ូតូឡើងមកលើ ហើយខាងភាគីម៉ូតូនិងរថយន្តបានសម្របសម្រួល នាំជនរងគ្រោះទៅលាងមុខរបួស និងធានាជួសជុលម៉ូតូជនរងគ្រោះឲ្យបានល្អស្អាតវិញ៕
រថយន្តមួយគ្រឿងបុកអាសង់ខ្ទាតបណ្ដាលឲ្យបុរសម្នាក់រងរបួសស្រាល់
0 Comments