ទីក្រុងនៃប្រទេសចិន បានដាក់ផែនការអាសន្នបន្ទាន់មួយចំពោះខ្យល់អាកាសកខ្វក់ឲ្យស្ថិតនៅក្នុងការចេញជាសកម្មភាពនាដើមសប្ដាហ៍នេះ ដោយធ្វើឲ្យមានការកាត់បន្ថយយានយន្ដឯកជនដល់ទៅចំនួនពាក់កណ្ដាលធ្វើចរាចរណ៍តាមដងផ្លូវនានា។ ការចេញបទបញ្ជាឲ្យរោងចក្រជាច្រើនកន្លែងបិទទ្វារ ព្រមទាំងផ្ដល់ជាអនុសាសន៍ឲ្យគ្រឹះស្ថានសិក្សាមួយចំនួនត្រូវតែផ្ដល់ការអនុញ្ញាតឲ្យសិស្សសាលាស្ថិតនៅឯផ្ទះ។
ទីក្រុងនឹងបញ្ចប់ការដាក់វិធានការនេះនៅពាក់កណ្ដាលថ្ងៃត្រង់គឺនៅថ្ងៃអង្គារ នេះយោងតាមការប៉ុស្ដិ៍នៅលើបណ្ដាញផ្សព្វផ្សាយសង្គមមួយដោយការិយាល័យការពារបរិស្ថាននៃក្រុងប៉េកាំង។
ការប្រកាសអាសន្នដោយបើកភ្លើងក្រហមនោះគឺជាចំណុចជាជាន់ថ្នាក់ខ្ពស់បំផុតនៃប្រព័ន្ធភ្លើងពណ៌សរុបមាន៤ពណ៌ ព្រោះតែផ្សែងលាយអ័ព្ទដ៏ក្រាស់ឃ្មឹកគ្របដណ្ដប់ទៅលើទីក្រុងជាលើកទីពីរម្ដងទៀតនៅក្នុងរយៈពេលជាច្រើនសប្ដាហ៍កន្លងមកនេះ។
ការប្រកាសអាសន្នដោយភ្លើងពណ៌ក្រហមនេះកើតមានខណៈពេលដែលលោកប្រធានាធិបតី Xi Jinping បានចូលរួមកិច្ចជំនួបប្រជុំដែលរកតែការចាប់កំហុសមួយស្ដីពីបម្រែបបម្រួលអាកាសធាតុ ដែលបានប្រព្រឹត្ដទៅនៅក្រុងប៉ារីស ប្រទេសបារាំង។ នៅពេលនោះហើយដែលជាការធ្វើឲ្យកើតអាកាសដ៏ខ្លាំងក្លា ខណៈពេលប្រទេសចិន កំពុងតែតស៊ូប្រយុទ្ធដើម្បីគ្រប់គ្រងភាពកខ្វក់ដែលជាការរួមចំណែកទាំងការបញ្ចេញផ្សែងលាយអ័ព្ទជាប់ជាប្រចាំរបស់ប្រទេសចិន និងការកើនឡើងកម្ដៅជាសកល។
ប្រទេសដែលរងបញ្ហាព្រោះតែការបញ្ចេញឧស្ម័ននឹងផ្ទះកញ្ចក់នោះ កើតមានឡើងពីការដុតធ្យូងថ្មសម្រាប់ដំណើរការវិស័យថាមពលអគ្គិសនីជាពិសេសទើបបានបណ្ដាលឲ្យកើតមានជាមូលហេតុដ៏សំខាន់នៃការបញ្ចេញផ្សែងអ័ព្ទនោះ៕
AFP
ក្រុងប៉េកាំង លើកឡើងពីការប្រកាសអាសន្នភ្លើងក្រហម ដោយសារផ្សែងលាយអ័ព្ទ
0 Comments