ចិន​ មាន​មហិច្ឆតា​កសាង​ផ្លូវ​រថភ្លើង​វែង​ជាងគេ​នៅ​លើ​ផែនដី​

ចិន ៖ មាន​រយៈពេល​១០​ឆ្នាំ​មក​ហើយ ចាប់តាំងពី​អ្នកប្រមាញ់​រថភ្លើង Train hunter អនុវត្ត​វិធី​ផ្ទាល់ខ្លួន​ក្នុង​ការ​ចាប់ផ្ដើម​ធ្វើដំណើរ​លើ​ចម្ងាយ​ផ្លូវ​ប្រវែង​៣០០.០០០​គីឡូម៉ែត្រ​ ស្វែងរក​ចុះ​ក្នុង​ឯកសារ​នូវ​ផ្លូវ​រត់​ភ្លើង​ដ៏​វែង​បំផុត​នៅ​លើ​ផែនដី​នេះ។

ប្រដាប់​ដោយ​កាមេរ៉ា​ថត​ម៉ាក Nikon គួរ​ឲ្យ​ទុក​ចិត្ដ​របស់​ខ្លួន​នោះ លោក Wang Wei បាន​ដើរ​កម្សាន្ត​នៅ​លើ​តំបន់​ខ្ពង់រាប​ទី​បេ​ដ៏​ត្រជាក់ និង​នៅ​ទូទាំង​វាល​ខ្សាច់​Gobi។

លោក Wang បាន​ធ្វើ​ដំណើរ​ទៅកាន់​កោះ​ត្រូពិក​មួយ នៅ​សមុទ្រ​ចិន​ខាងត្បូង និង​នៅ​ព្រំដែន​ឆ្ងាយ​ដាច់ស្រយាល​របស់​ប្រទេស​ចិន ជាមួយ​ប្រទេស​ប៉ាគីស្ថាន ដែល​ការ​ធ្វើ​ដំណើរ​នេះ​គឺ​ដើម្បី​បំ​ពេញ​ចិត្ដ ដែល​កញ្ជ្រោល​ឡើង​របស់​លោក ​ដើម្បី​ផ្ដិត​យក​រូបភាព​រថភ្លើង​ទាំងឡាយ​នោះ។​ លោក Wang ក្នុង​វ័យ​២​៤​ឆ្នាំ​ បាន​កសាង​រួចហើយ​នូវ​ស្នាដៃ​ផ្ទាល់ខ្លួន​របស់​លោក ដោយ​ការ​ថតរូប​រថភ្លើង​បាន​រាប់រយ​ពាន់​សន្លឹក​។

លោក​បាន​និយាយថា ខ្ញុំ​មិនដែល​មានការ​ហត់នឿយ​នោះ​ទេ​។ អ្នក​ក៏​មិន​ចេះ​ហត់នឿយ​ដែរ ប្រសិនបើ​អ្នកធ្វើ​អ្វីមួយ ដែល​អ្នកមាន​អារម្មណ៍​ថា មាន​ចំណង់​ខ្លាំង​ពិតប្រាកដ​នោះ​។ ក្នុងនាម​ជា​អ្នក​ចូល​ចិ​ត្ដ​ប្រកបការងារ​ថតរូប​ជាការ​កម្សាន្ត​លេខ​១ របស់​ប្រទេស​ចិន​នោះ លោក Wang បាន​ធំ​ដឹងក្ដី​ឡើង​នៅ​ក្នុង​គ្រួសារ​មួយ ដែល​មាន​ផ្ទះ​នៅ​ជាប់​នឹង​ស្ថានីយ​រថភ្លើង Xizhimen នៅ​ទីក្រុង​ប៉េកាំង និង​បន្ដ​រស់នៅ​ជាមួយ​ឪពុកម្ដាយ​របស់​លោក​ជា​រៀង​រហូត​មក។ លោក Wang ជឿថា លោក​បាន​កើតមក ព្រម​ជាមួយនឹង​ការចាប់អារម្មណ៍​ចំពោះ​បច្ចេកវិទ្យា​ផ្លូវដែក។

ជីតា​ទួត​របស់​លោក​គឺជា​អ្នកបើក​រថភ្លើង ដែល​ធ្លាប់​បាន​ដឹក​លោក Wu Peifu ជា​មេបញ្ជាការ​សមរភូមិ​ម្នាក់ ដែល​ធ្វើ​សកម្មភាព​ដ៏​ក្លាហាន​នៅ​ប្រទេស​ចិន នៅ​ដើម​សតវត្ស​ទី​២០ ហើយ​ដែល​ទស្សនាវដ្ដី Time Magazine បាន​ថតរូប​កាត់​ដាក់​នៅ​លើ​ក្រប​ទស្សនាវដ្ដី​របស់ខ្លួន ដោយ​ដាក់​ចំណងជើង​ថា “​បុរស​ខ្លាំង​បំផុត​នៅ​ប្រទេស​ចិន​”។

លោក Wang បាន​សារភាពថា “​ខ្ញុំ​យល់ថា ខ្ញុំ​មានការ​ស្រឡាញ់​រថភ្លើង​នៅ​ក្នុង​សន្ដាន​ចិ​ត្ដ​របស់​ខ្ញុំ​។ ជញ្ជាំង​បន្ទប់ដេក​របស់​លោក​មាន​បិទ​រូបថត​រថភ្លើង​គ្រប់​ប្រភេទ​មកពី​ទូទាំង​ប្រទេស​ចិន។​

បេសកកម្ម​តាម​ប្រមាញ់​រថភ្លើង​របស់លោក ដែល​លោក​បានចាប់ផ្ដើម​ជា​ផ្លូវការ​នៅ​ក្នុង​ឆ្នាំ ២០០៥ បាន​កើត​ឡើង​ជួន​គ្នា​ជាមួយនឹង​ការ​ចាប់ផ្ដើម​សាងសង់​ផ្លូវដែក​ដ៏​អស្ចារ្យ​បំផុត​មួយ នៅ​ក្នុង​ប្រវត្តិសាស្ត្រ​ប្រទេស​ចិន ជា​គម្រោង​វិស្វកម្ម​ដ៏​ធំ​សម្បើម​មួយ ដែល​មនុស្ស​មួយ​ចំនួន​បាន​ប្រៀបធៀប​ទៅ​នឹង​ការ​រីកចម្រើន​ផ្លូវដែក នៅក្នុង​សតវត្ស​ទី​១៩​នៅ​អាមេរិក ដែល​បាន​ជួយ​ធ្វើ​ឲ្យ​អាមេរិក​ក្លាយ​ទៅជា​ប្រទេស​សេដ្ឋកិច្ច​នាំមុខគេ​នៅ​លើ​ពិភពលោក​នោះ។​

នៅក្នុង​ឆ្នាំ​២០០៦ ជា​ឆ្នាំ​បន្ទាប់ពី​បេសកកម្ម​របស់ លោក Wang បានចាប់ផ្ដើម​នោះ ចិន​បាន​បើក​ខ្សែ​ផ្លូវដែក​ដ៏​ខ្ពស់បំផុត​នៅ​លើ​ផែនដី​នេះ ដោយ​បំពេញ​បាន​នៅ​ទី​បញ្ចប់​នូវ​សុបិន​របស់​លោក ម៉ៅ សេទុង នៅ​ក្នុង​ការ​ធ្វើ​សមាហរណកម្ម​ទី​បេ ជាមួយ​ភាគ​កណ្ដាល និង​ភាគ​ខាងកើត​ប្រទេស​ចិន​។ ឆ្នាំ​បន្ទាប់មក ចិន​បាន​បង្កើត​ជាថ្មី​ម្ដងទៀត ដោយ​ចាប់​ផ្ដើមធ្វើ​បដិវត្ត​ផ្លូវដែក​រថភ្លើង​ល្បឿន​លឿន​តម្លៃ​រាប់ពាន់​លាន​ដុល្លារ សំដៅ​បង្ហាញ​ពី​វិទ្យាសាស្ត្រ និង​អានុភាព​នយោបាយ​គណបក្ស​កុម្មុយនិស្ត​ចិន។

អ្នក​ជំនាញ​ខាង​ដឹកជញ្ជូន​មកពី​សកលវិទ្យាល័យ Jiaotong នៅ​ទីក្រុង​ប៉េកាំង​បាន​និយាយ​ថា នៅ​ក្នុង​រយៈពេល​តែ​៧​ឆ្នាំ​ប៉ុណ្ណោះ ផ្លូវដែក​រថភ្លើង​ល្បឿន​លឿន​ប្រវែង​១៩០០០​គីឡូម៉ែត្រ ប្រហែល ៥៥​ភាគរយ​ នៃ​ប្រវែង​សរុប​នៅ​លើ​ពិភពលោក​ត្រូវ​បាន​សាងសង់​។ អ្វីដែល​ពិភពលោក​បានធ្វើ​ក្នុង​រយៈពេល​ពាក់កណ្ដាល​សតវត្ស យើង​បាន​ធ្វើ​តែ​ក្នុង​រយៈពេល​១០​ឆ្នាំ​ប៉ុណ្ណោះ​៕

 

ចិន​ មាន​មហិច្ឆតា​កសាង​ផ្លូវ​រថភ្លើង​វែង​ជាងគេ​នៅ​លើ​ផែនដី​