នៅរសៀលថ្ងៃទី៨ខែធ្នូនេះ តារាសម្តែងហុងកុងរបស់ក្រុមហ៊ុន TVB គឺលោក Bosco Wong ត្រូវបានគេដឹងថា លោកបានចូលរួមក្នុងពិធីសម្ពោធខ្សែភាពយន្តថ្មី ដែលមានចំណងជើងថា 《Women on the Breadfruit Tree》នៅឯប៉េកាំង ហើយលោកក៏ត្រូវបានអ្នកសារព័ត៌មានចោទសួរ ទាក់ទិននឹងអតីតមិត្តស្រីរបស់លោក ដែលនឹងរៀបការជាមួយមិត្តប្រុសថ្មីរបស់នាងនៅចុងខែធ្នូខាងមុខនេះ គឺនាង Myolie Wu។
លោក Bosco Wong បានថ្លែងថា ក្រោយពីលោកបានបញ្ចប់ស្នេហ៍៨ឆ្នាំ ជាមួយនាង Myolie Wu កន្លងមក រហូតមកទល់ថ្មីៗនេះ លោកនិងនាង Myolie គឺនៅតែលេងសារជាមួយគ្នា នៅពេលដែលមានពេលទំនេរ ប៉ុន្តែមិនមែនរៀងរាល់ថ្ងៃទេ។ ចំណែកឯរឿងចូលរួម ក្នុងពិធីមង្គលការរបស់នាងឬអត់ គឺលោកនៅមិនទាន់ប្រាកដច្បាស់លាស់នៅឡើយទេ។
លោក Bosco បានបន្តឲ្យដឹងទៀតថា នាង Myolie Wu ធ្លាប់បានប្រាប់លោកថា បើសិនជាលោករវល់នឹងការងារ មិនបានទៅចូលរួម គឺមិនអីនោះទេ ប្រសិនបើលោកបានទៅ នាងរឹតតែសប្បាយចិត្ត។
ពាក់ព័ន្ធនឹងព័ត៌មានខាងលើ គេក៏បានសង្កេតឃើញថា មានមិត្តនៅតាមបណ្តាញសង្គមមិនតិចទេបានបញ្ចេញមតិក្រើនរំលឹកនាង Myolie Wu ថា កុំភ្លេចហៅ Bosco ទៅចូលរួមក្នុងពិធីមង្គលការរបស់នាងផង កុំភ្លេចណា! ៕
Bosco Wong ៖ មិនប្រាកដថាចូលរួមក្នុងពិធីមង្គលការរបស់ Myolie Wu រឺអត់ទេ
0 Comments