ព្រះសីហនុ ៖ នាថ្ងៃទី១៩ ខែធ្នូ ឆ្នាំ ២០១៥ ក្នុងស្មារតី និងការយកចិត្តទុកដាក់ខ្ពស់ទៅលើវិស័យអប់រំ និងការការពារបរិស្ថាន ក្រុមហ៊ុនឈេហ្វរ៉ុន (ខេមបូឌា) លីមីធីត ដែលប្រតិបត្តិការអាជីវកម្មលើយីហោ Caltex® បានរៀបចំយុទ្ធនាការសប្ដាហ៍សប្បុរសធម៌ដោយជោគជ័យនៅសាលាបឋមសិក្សាអូរត្រជាក់ចិត្ត ក្នុងភូមិអូរត្រជាក់ចិត្ត ឃុំសំរោង ស្រុកព្រៃនប់ ខេត្តព្រះសីហនុ។ ថ្ងៃនេះយុទ្ធនាការអ្នកស្ម័គ្រចិត្ត នឹងធ្វើការសម្អាតថ្នាក់រៀន បរិវេណសាលា និងដាំដើមឈើក្នុងបរិវេណសាលាបឋមសិក្សាអូរត្រជាក់ចិត្តផងដែរ។
យុទ្ធនាការសប្ដាហ៍សប្បុរសធម៌នេះ គឺជាការផ្ដួចផ្ដើមឡើងដោយក្រុមហ៊ុនឈេហ្វរ៉ុន ដែលមានការអញ្ជើញចូលរួមពីបុគ្គលិកក្រុមហ៊ុនមកពីការិយាល័យកណ្ដាលក្រុងភ្នំពេញ ការិយាល័យខេត្តព្រះសីហនុ ស្ថានីយកាល់តិចក្រុងព្រះសីហនុ និងមន្ត្រីអញ្ជើញមកពីការិយាល័យអប់រំស្រុកព្រៃនប់ផងដែរ។
ក្រុមហ៊ុនឈេហ្វរ៉ុនខេមបូឌា ក៏បានឧបត្ថម្ភមួកសុវត្ថិភាពជូនដល់លោកគ្រូ អ្នកគ្រូ និងសម្ភារៈសិក្សាមានដូចជា ឯកសណ្ឋានសាលា សៀវភៅសរសេរ ប៊ិច ខ្មៅដៃ បន្ទាត់ កាបូបដាក់សម្ភារៈសិក្សា និងស្បែកជើង ជូនដល់សិស្សានុសិស្សទាំងអស់គ្នា ព្រមទាំងសម្ភារៈសម្អាតដូចជា ធុងសំរាម អំបោស និងសម្ភារៈផ្សេងៗជូនដល់សាលាបឋមសិក្សាអូរត្រជាក់ចិត្តផងដែរ។
លោក Daniel Hwang, Manager Products of Cambodia នៃក្រុមហ៊ុន ឈេហ្វរ៉ុន (ខេមបូឌា) លីមីធីត បានមានប្រសាសន៍ថា ខ្ញុំមានមោទនភាពណាស់ដែលបានឃើញអ្នកស្ម័គ្រចិត្តទាំងអស់គ្នាចូលរួមយ៉ាងសកម្មក្នុងការជួយលើកកម្ពស់វិស័យអប់រំ និងការការពារបរិស្ថាន។ ខ្ញុំសូមកោតសរសើរចំពោះអ្នកទាំងអស់គ្នាដែលបានជួយជ្រោមជ្រែងដើម្បីធ្វើឲ្យយុទ្ធនាការសប្ដាហ៍សប្បុរសធម៌នៅសាលាបឋមសិក្សាអូរត្រជាក់ចិត្តទទួលបានជោគជ័យ។
ក្រុមហ៊ុន ឈេហ្វរ៉ុន បានបន្តចូលរួមក្នុងយុទ្ធនាការសង្គមជាច្រើនទៀតដូចជា យុទ្ធនាការសុវត្ថិភាពចរាចរណ៍ផ្លូវគោក និងយុទ្ធនាការផ្សេងៗ ដើម្បីលើកកម្ពស់ការប្រុងប្រយ័ត្ន និងបង្កើនអត្ថប្រយោជន៍សង្គមដល់ប្រទេសកម្ពុជា។
*អំពីក្រុមហ៊ុន ឈេហ្វរ៉ុន (ខេមបូឌា) លីមីធីត
About Chevron (Cambodia) Limited
នៅក្នុងប្រទេសកម្ពុជា ក្រុមហ៊ុន ឈេហ្វរ៉ុន (ខេមបូឌា) លីមីធីត បានធ្វើទីផ្សារម៉ាកសញ្ញា Caltex™ ដែលជា ម៉ាក សញ្ញានាំមុខរបស់ ឈេហ្វរ៉ុន នៅក្នុងតំបន់អាស៊ីប៉ាស៊ីហ្វិក និងតំបន់មជ្ឈិមបូព៌ា និងអាហ្វ្រិក។
ក្រុមហ៊ុនមានស្ថានីយប្រេងឥន្ធនៈ Caltex ចំនួន២៦កន្លែង ផ្សារលក់ទំនិញ Star Mart® ចំនួន ១៧កន្លែង ហាង Coffee Plus ចំនួន៨កន្លែងក្នុងប្រទេសកម្ពុជា។
ផលិតផលប្រេងមានដូចជា ប្រេងឥន្ធនៈ Caltex ជាមួយ Techron® ប្រេងម៉ាស៊ូត Caltex ជាមួយ Techron®D និងប្រេងរំអិល Havoline ® និង Revtex ® ដែលមាននៅគ្រប់ ស្ថានីយ Caltex ទាំងអស់របស់យើង៕
*ទំនាក់ទំនងក្រុមហ៊ុន ឈេហ្វរ៉ុន លោកស្រី ថាន ចាន់លេក ប្រធានផ្នែកទំនាក់ទំនង និងម៉ាកសញ្ញា
ទូរស័ព្ទ ០២៣ ២២៣ ៣៥៥
ទូរសារ ០២៣ ២២៣ ៥៩៩
អ៊ីមែល ThanC@Chevron.com
ក្រុមហ៊ុន Caltex រួមចំណែកលើកម្ពស់វិស័យអប់រំ និងថែរក្សាបរិស្ថាន
0 Comments