ប្រទេសរុស្ស៊ី កំពុងតែធ្វើកិច្ចការជាមួយក្រុមប្រឹក្សាសន្ដិសុខសហប្រជាជាតិ លើឯកសារមួយដែលអាចជាការចាប់បង្ខំក្នុងការកំហិតការប្រតិបត្ដិទៅតាមដំណោះស្រាយ Resolution 2199 ដែលនោះជាការផ្ដោតទៅដល់ការទប់ស្កាត់ការជួញដូរប្រេងដោយខុសច្បាប់ជាមួយនឹង/ធ្វើឡើងដោយក្រុមភេរវកម្ម។ ឯកអគ្គរដ្ឋទូតរុស្ស៊ី អមសហប្រជាជាតិលោក Vitaly Churkin បានប្រាប់រឿងនេះដល់ទីភ្នាក់ងារព័ត៌មាន RIA Novosti ដូច្នេះ។
សេចក្ដីព្រាងដំណោះស្រាយនោះ មានបំណងរាំងស្កាត់ហិរញ្ញវត្ថុរបស់ក្រុមភេរវកម្ម ដែលក្នុងនោះមានទាំងក្រុមរដ្ឋឥស្លាមនិយម ISIS ទៀតផង។
ដោយឡែក ឯកអគ្គរដ្ឋទូតសហរដ្ឋអាមេរិក អមសហប្រជាជាតិ លោកស្រី Samanth Power ក៏បានទាំងលើកយកមកនិយាយថា អាមេរិក មានការរួមចំណែកក្នុងការចែករំលែកទៅលើទិសដៅដែលជាកម្មវត្ថុនេះជាមួយប្រទេសរុស្សុីដែរ អំពីកម្មវត្ថុនេះ ចាប់តាំងពីការលក់ប្រេងកាតដោយខុសច្បាប់នេះឆ្ពោះទៅបំពេញផ្នែកហិរញ្ញវត្ថុឲ្យក្រុមភេរវកម្មដល់ទៅចំនួនពាក់កណ្ដាលនោះ។
ឯកសារថ្មីនេះ ផ្ដោតទៅលើប្រទេសរុស្សុី ក្នុងការគាំទ្រដំណោះស្រាយ Resolution 2199 ដែលត្រូវបានអនុម័តដោយអង្គការសហប្រជាជាតិ កាលពីថ្ងៃទី១២ ខែកុម្ភៈ ដើម្បីបញ្ឈប់ឲ្យមានការជួញដូរប្រេងកាតដោយខុសច្បាប់ជាមួយរចនាសម្ព័ន្ធភេរវកម្មនោះ។
អត្ថន័យជាពិសេសនៅក្នុងដំណោះស្រាយនោះគឺការហាមរាល់គ្រប់រូបភាពនៃការធ្វើពាណិជ្ជកម្មប្រេងកាតជាមួយក្រុម ISIS និងក្រុមភេរវកម្ម Jabhat al-Nusra នោះតែម្ដង។ ដោយឡែកការមិនប្រតិបត្ដិតាមខ្លឹមសារ និងស្មារតីនៃដំណោះស្រាយនោះ នឹងប្រឈមជាមួយទណ្ឌកម្មដែលកំហិតដោយក្រុមប្រឹក្សាសន្ដិសុខប្រឆាំងនឹងបុគ្គលដែលចូលរួម ឬក៏ក្រុមហ៊ុនប្រេងទាំងឡាយនោះតែម្ដង។
វិលទៅរកស្ថានភាពកាលពីខែកក្កដាវិញ ក្រុមប្រឹក្សាសន្ដិសុខនៃអង្គការសហប្រជាជាតិ បានសម្ដែងនូវក្ដីបារម្ភយ៉ាងខ្លាំងក្លាចំពោះរបាយការណ៍ទាំងឡាយដែលលើកឡើងពីការធ្វើពាណិជ្ជកម្មប្រេងកាត ជាមួយក្រុមសកម្មប្រយុទ្ធ IS នៅប្រទេសអ៊ីរ៉ាក់ និងស៊ីរី។ សេចក្ដីប្រកាសនោះបានធ្វើឡើងបន្ទាប់ពីក្រុម IS ដណ្ដើមយកបានអណ្ដូងប្រេងកាតជាច្រើននៅក្នុងតំបន់ ហើយត្រូវបានគេរាយការណ៍ថា ក្រុមនេះកំពុងតែប្រើប្រាស់ចំណូលពីការលក់ប្រេងកាតដោយខុសច្បាប់នោះដើម្បីប្រើប្រាស់ជាហិរញ្ញវត្ថុសម្រាប់រដ្ឋមួយដែលហៅថា រដ្ឋឥស្លាមកំពុងចាប់កំណើតរបស់ខ្លួននោះ៕
RT
លោក Churkin និយាយថា រុស្ស៊ី ចង់បញ្ឈប់ការជួញដូរប្រេង ដោយខុសច្បាប់របស់ក្រុមISIS
0 Comments