វីរុស Ebola បានសម្លាប់មនុស្សប្រមាណ៤,៨០០នាក់រួចទៅហើយនៅក្នុងប្រទេសលីបេរីយ៉ា ប៉ុន្ដែករណីជំងឺរាតត្បាតបែបនេះ ក៏បន្សល់ទុកជនរងគ្រោះដទៃផ្សេងទៀតយ៉ាងច្រើនផងដែរ។ សេវាកម្មតាមមន្ទីរពេទ្យនិងផ្នែកសុខាភិបាលនៅពេលមានវិបត្ដិ ខណៈមានការភ័យខ្លាចនៃការចម្លង Ebola ដែលបានជំរុញឲ្យពលរដ្ឋទាំងឡាយស្ថិតនៅតែក្នុងផ្ទះ ដែលនោះហើយកំពុងតែបង្កើតឡើងនូវការវិលត្រឡប់មកវិញយ៉ាងធ្ងន់មួយក្នុងការប្រយុទ្ធប្រឆាំងនឹង HIV/AIDS នៅក្នុងប្រទេសមួយនេះ។ បច្ចុប្បន្នការខិតខំប្រឹងប្រែងបានស្ថិតនៅក្រោមកម្មវិធីព្យាបាល HIV/AIDS “HIV treatment programs” ដែលវិលត្រឡប់មកវិញនោះ។
នៅព្រឹកមួយកាលពីពេលថ្មីៗនេះ ក្រុមអ្នកជំងឺ HIV/AIDS កំពុងតែទទួលការព្យាបាលនៅឯមន្ទីរពេទ្យមួយក្នុងក្រុង Monrovia។ ប៉ុន្ដែអ្នកជំងឺ HIV មួយចំនួនទៀតមិនបានបង្ហាញមុខទេ។ កម្មវិធី National AIDS Control Programs របស់ប្រទេសលីបេរីយ៉ា នៅតែព្យាយាមដើម្បីធ្វើឲ្យថយចុះចំនួនអ្នកជំងឺដែលផ្ទុក HIV វិជ្ជមានឲ្យបានដល់ជាង២,០០០នាក់ មុនពេលដែលវីរុស Ebola បានផ្ទុះឡើងក្នុងប្រទេសលីបេរីយ៉ា កាលពីខែមីនា ឆ្នាំកន្លងមក។
នាយកចាត់ការកម្មវិធី លោក Sonpon Blamo Sieh បាននិយាយថា គេបញ្ចប់កម្មវិធីតាមដានព្យាបាល HIV/AIDS នេះ ពីផ្ទះមួយទៅផ្ទះមួយទៀតនោះហើយ ដោយសារតែហេតុផលសុវត្ថិភាពនៃវីរុស Ebola ដែលបានចម្លងកើតមានការរាលដាលរវាងខែមិថុនា និងខែធ្នូ ឆ្នាំ២០១៤។ រដ្ឋាភិបាលបានជំរុញឲ្យពលរដ្ឋទាំងឡាយ ចៀសវាងការទាក់ទងដោយផ្ទាល់ដើម្បីជាវិធានការបញ្ចប់ការចម្លងនៃវីរុស។
ជាធម្មតាការព្យាបាលដោយសារការប្រើឱសថប្រភេទពន្យារជីវិតហៅថា anti-retroviral drugs នោះ គឺអាចពន្យារ-ពន្យឺតពេលនៃការរាលដាលនៃ HIV/AIDS នៅក្នុងរូបកាយរបស់អ្នកជំងឺ។
អ្នកជំងឺ HIV ម្នាក់នៅឯមន្ទីរពេទ្យដែលស្នើសុំមិនឲ្យបញ្ចេញឈ្មោះនោះនិយាយថា គាត់មានក្ដីសង្ឃឹមថា អ្វីៗនឹងវិលត្រឡប់ទៅរកប្រក្រតីភាពវិញហើយបន្ទាប់ពី Ebola បានកន្លងផុតទៅនោះ៕
VOA
បន្ទាប់ពី Ebola ប្រទេសលីបេរីយ៉ា កំពុងតែតស៊ូដើម្បីរៀបចំការថែទាំព្យាបាល HIV ឡើងវិញ
0 Comments