តារាបាល់បោះរបស់ក្លិប Cleveland Cavaliers គឺកីឡាករ LeBron James បានសម្តែងចេញនូវភាពក្រៀមក្រំរបស់ខ្លួន ចំពោះការសម្រេចចិត្តប្រកាសចូលនិវត្តន៍របស់កីឡាករ Kobe Bryant កាលពីថ្ងៃអង្គារ ដោយលោកបានបង្ហាញនូវការសោកស្តាយថា លោកលែងបានជួបវវបុរសម្នាក់នេះទៀតហើយ។
រយៈពេល ២ ថ្ងៃក្រោយពេលដែលកីឡាករ Bryant បានប្រកាសថា គាត់នឹងលាឈប់ពីការប្រកួតបាល់បោះ នៅដំណាច់រដូវកាលនេះ កីឡាករ James បាននិយាយប្រាប់អ្នកសារព័ត៌មានថា លោកពិតជាសោកស្តាយខ្លាំងណាស់ នៅពេលដែលមើលឃើញកីឡាករវ័យ ៣៧ ឆ្នាំរបស់ក្រុម Lakers ម្នាក់នេះ ចាកចេញទៅ។
កីឡាករ James បានបញ្ជាក់ថា Bryant មានឥទ្ធិពលមកលើរូបលោករាល់ដំណាក់កាលទាំងអស់ ក្នុងអាជីពបាល់ទាត់របស់លោក ពោលគឺចាប់តាំងពីកុមារភាពមកម្ល៉េះ។
កីឡាករ James បានបន្តទៀតថា លោកសោកស្តាយខ្លាំងណាស់ ដែលមិនបានប៉ះជាមួយកីឡាករ Bryant នៅការប្រកួតវគ្គផ្តាច់ព្រ័ត្រ NBA Finals។
សូមបញ្ជាក់ថា ទាំងកីឡាករ Bryant និង James បានបង្ហាញវត្តមានមិនដែលខានម្តងណាឡើយ នៅការប្រកួតវគ្គផ្តាច់ព្រ័ត្រមួយនេះ ចាប់តាំងពីឆ្នាំ ២០០៧ មក ប៉ុន្តែចាប់ពីពេលនេះតទៅ ពួកគេលែងអាចលេងជាមួយគ្នាទៀតហើយ។
ដោយចង់សំដៅលើយុទ្ធនាការឆ្នាំ ២០០៩ ពេលដែលក្រុម Cavs ឈ្នះការប្រកួតជាប់កំណត់ត្រា ៦៦-១៦ នោះ កីឡាករ James បាននិយាយថា កាលណោះលោកមិនបានធ្វើឲ្យក្រុមអ្នកគាំទ្រពេញចិត្តនោះទេ តែ Bryant គឺពិតជាធ្វើបានអស្ចារ្យខ្លាំងណាស់៕
កីឡាករបាល់បោះ LeBron James សោកស្តាយចំពោះការចូលនិវត្តន៍របស់ Bryant
0 Comments