ថ្មីៗនេះ តារាចម្រៀងស្រីដែលមានជំនាញខាង Rap និងជាសមាជិកក្នុងក្រុមតារាចម្រៀងស្រីរបស់កូរ៉េខាងត្បូង 2ne1 គឺនាង CL ត្រូវបានគេដឹងថា នាងបានចាប់ដៃគូជាមួយប្អូនស្រីបង្កើតរបស់ខ្លួន គឺនាង Harin ថតស្ពតឲ្យទស្សនាវដ្តី W សម្រាប់ដើមឆ្នាំ២០១។
តាមរយៈរូបភាពទាំងនោះ គេបានសង្កេតឃើញថា ទាំងបងស្រី និងប្អូនស្រីសុទ្ធតែបង្ហាញនូវភាពស្រស់ស្អាតរាងៗខ្លួន ជាមួយការផាត់មុខអមនឹងសម្លៀកបំពាក់ដ៏ទាន់សម័យ ដែលជាចំណុចទាក់ទាញក្រសែភ្នែករបស់មហាជន។ ហើយរូបភាពទាំងនោះ គេបានប្រទះឃើញមានមហាជនមួយចំនួនធំបានបញ្ចេញមតិថា មើលស្ទើរតែច្រលំគ្នា ដូចជាកូនភ្លោះអញ្ជឹង! ស្រស់ស្អាតមែន។
ដោយឡែក ចំពោះការសហការគ្នាលើកដំបូងនេះ នាង CL ក៏បានថ្លែងប្រាប់ថា នាងពិតជាមានការព្រួយបារម្ភខ្លះៗដែរ ដោយសារតែវាជាការថតស្ពតលើកដំបូងរបស់ប្អូនស្រីនាង ហើយការសហការគ្នានេះ គឺនាងបានប៉ងយូរមកហើយ ដោយនាងបានគិតថា វាអាចជាអនុស្សាវរីយ៍ដ៏ល្អមួយរវាងនាង និងប្អូនស្រី៕
រូបថត ៧ សន្លឹករបស់ CL និងប្អូនស្រី ពិតជាស្រស់ស្អាតរបស់គេមែន
0 Comments