ក្រុម Inter Milan បានវិលត្រឡប់មកឈរនៅលើកំពូលតារាង Serie A វិញជាមួយនឹងជ័យជម្នះ ១-០ លើក្រុម Genoa កាលពីថ្ងៃសៅរ៍ចុងសប្តាហ៍កន្លងទៅ ខណៈដែលក្រុម Roma បានត្រឹមស្មើ ១-១ ប៉ុណ្ណោះជាមួយក្រុម Torino។
កីឡាករ Adem Ljajic រកបានតែ១គ្រាប់គត់ នៅការប្រកួតមួយនេះ ខណៈដែលក្រុម Inter Milan ឈ្នះការប្រកួតលើកទី ៨ របស់ខ្លួនពី ១៥ ប្រកួតនៅក្នុងរដូវកាលនេះ។ ក្រុម Inter Milanលេងមានគ្នាត្រឹមតែ ១០ នាក់ប៉ុណ្ណោះ នៅ ៤ នាទីចុងក្រោយ ពេលដែលកីឡាករ Danilo D’Ambrosio ត្រូវបានអាជ្ញាកណ្តាលបណ្តេញពីការប្រកួតសម្រាប់កាតលឿងទី ២។
ក្រុម Inter Milan បានឡើងមកឈរនៅពីលើក្រុម Napoli ២ ពិន្ទុ ដែលក្រុមមួយនេះ បានចាញ់ក្រុមបាតតារាង Bologna ២-៣ កាលពីថ្ងៃអាទិត្យ។
កីឡាករ Ljajic បាននិយាយថា យើងបានប្រឹងអស់ពីសមត្ថភាពធ្វើយ៉ាងណា ដើម្បីរកឲ្យបានជ័យជម្នះរបស់ខ្លួន ពីព្រោះថា យើងដឹងច្បាស់ថា វាគឺជាការប្រកួតដ៏ស្វិតស្វាញមួយសម្រាប់ក្រុម តែពេលនេះយើងពិតជាអាចសម្រេចបានគោលដៅរបស់ខ្លួនបានពិតមែន។
សូមបញ្ជាក់ថា កីឡាករ Ljajic បានធ្វើការផ្ទេរចេញពីក្លិប Roma ក្នុងនាមជាកីឡាករខ្ចីជើង នៅថ្ងៃផ្តាច់ព្រ័ត្រនៃទីផ្សារកីឡាករកន្លងទៅ ហើយក្លិប Inter Milan អាចទិញយកកីឡាករស្ថិតនៅក្នុងក្រុមជម្រើសជាតិ ស៊ែប ម្នាក់នេះ នៅដំណាច់រដូវកាល។
ដោយឡែក្រុម Roma ឈរនៅលេខ ៥ មាន ៥ ពិន្ទុតាមពីក្រោយក្រុម Inter Milan ក្រោយ ពេលគ្រាប់បាល់ប៉េណាល់ទីចុងក្រោយ ធ្វើឲ្យក្រុម Torino រកបានតែ ១ ពិន្ទុប៉ុណ្ណោះ។
ក្រុម Roma មានឱកាសតិចតួចបំផុតអំឡុងការប្រកួតមួយនេះ តែគ្រាប់បាល់របស់ កីឡាករ Miralem Pjanic ទំនងជាអាចរកបានជ័យជម្នះទៅហើយ តែការពែនបាល់មួយជើងនៅម៉ោងគ្រោះថ្នាក់ ពីការស៊ុតបាល់ប៉េណាល់ទីរបស់កីឡាករ Maxi Lopez ក្រោយកីឡាករ Kostas Manolas បង្កកំហុសមកលើកីឡាករ Andrea Belotti ល្មមធ្វើឲ្យក្រុម Torino តាមបានស្មើ ១-១៕
ក្រុម Inter Milan ឡើងមកឈរនៅលើកំពូលតារាង Serie A ជាមួយនឹងជ័យជម្នះលើក្រុម Genoa
0 Comments