Liu Wenនិង Choi Siwon ត្រូវបានគេសង្ស័យថា កំពុងមានទំនាក់ទំនងស្នេហាឆ្លងប្រទេស

យោងតាម​ប្រភពព័ត៌មាន​នៅ​ថ្ងៃទី២២នេះ បាន​ឲ្យ​ដឹងថា តារា​ម៉ូ​ដែល​ស្រី ដែលមាន​រាង​តូច​ច្រលឹង ជនជាតិ​ចិន គឺ​នាង Liu Wen និង​លោក Choi Siwon ដែលជា​សមាជិក​ក្នុង​ក្រុម Super Junior ត្រូវបាន​មហាជន​សង្ស័យថា កំពុងមាន​ទំនាក់ទំនង​ស្នេហា​ឆ្លង​ប្រទេស បន្ទាប់ពី​ពួកគេ​ទាំងពីរ​បាន​សហការគ្នា​ថត​ខ្សែភាពយន្ត​មួយ ដែលមាន​ចំណងជើង​ថា “我们相爱” និង​បាន​សម្តែង​ជា​គូស្នេហ៍​ក្នុង​កម្មវិធី Day Day Up នៅ​ប្រទេស​ចិន ។

 

ទន្ទឹមនឹង​ការលេចចេញ​នូវ​ព័ត៌មាន​មួយ​នេះ គេ​បានដឹងថា មាន​អ្នកសារព័ត៌មាន​ជាច្រើន​បាន​ទាក់ទង​ទៅ​នាង Liu Wen ដើម្បី​ឲ្យ​នាង​បំភ្លឺខ្លះៗនៃ​រឿង​មួយ​នេះ។ មិនយូរប៉ុន្មាន គេ​ក៏​បានដឹង​ពី​ការពិត​នៅ​ពីក្រោយ​រឿងនេះ ដោយ​គេ​បាន​ឲ្យ​ដឹងថា នាង Liu Wen និង លោក​Choi Siwon គឺ​គ្មាន​ទំនាក់ទំនង​ដូច​ព័ត៌មាន​ដែល​បាន​ចុះផ្សាយ​នោះទេ គឺ​គ្រាន់តែ​ជា​ពាក្យ​ច​ចាម​អារាម​ប៉ុណ្ណោះ ហើយ​ពេលនេះ នាង Liu Wen គឺ​នៅ​លីវ​នៅឡើយ​ទេ។ នេះ​បើ​យោងទៅតាម​ក្រុមការងារ​របស់​នាង Liu Wen៕

 

Liu Wenនិង Choi Siwon ត្រូវបានគេសង្ស័យថា កំពុងមានទំនាក់ទំនងស្នេហាឆ្លងប្រទេស