អតីតកីឡាករបាល់ទាត់របស់ក្រុមជម្រើសជាតិស្កុតលែន លោក Pat Nevin បានអំពាវនាវគោរពមួយមកលើកីឡាករ Cesc Fabregas ពីសំណាក់ក្រុមអ្នកគាំទ្ររបស់ក្លិប Chelsea ហើយលោកសូមធ្វើការច្រានចោលទាំងស្រុងចំពោះអំណះអំណាងថា កីឡាករអេស្ប៉ាញម្នាក់នេះ សុខចាត់បាត់បង់ការប្រកួតរបស់ខ្លួន ជាជាងត្រូវរ៉ូវគ្នាវិញជាមួយអ្នកចាត់ការ Jose Mourinho។
សូមបញ្ជាក់ថា កីឡាករ Fabregasត្រូវបានគេស្រែកឲ្យដោយក្រុមអ្នកគាំទ្រក្លិប Chelsea អំឡុងជ័យជម្នះ ៣-១ កាលពីចុងសប្តាហ៍នេះ លើក្រុម Sunderland ពោលគឺបន្ទាប់ពី លោក Nevin ចាត់ទុកលោកថា ជាមនុស្សស្ថិតនៅក្នុងចំណោមអ្នក ដែលបានបំផ្លាញអាជីពអតីតគ្រូបង្វឹក Mourinho។
គួររំឭកថា គ្រូបង្វឹកសញ្ជាតិព័រទុយហ្គាល់វ័យ ៥២ ឆ្នាំម្នាក់នេះ ធ្លាប់បានអះអាងថា កីឡាករ Chelsea បានលួចក្បត់រូបលោកពីក្រោយខ្នង ពោលគឺរយៈពេល ១ ថ្ងៃប៉ុណ្ណោះ ក្រោយពេលដែលគាត់ត្រូវបានបណ្តេញពីការងារអ្នកចាត់ការជាលើកទី ២ នៅក្នុងទឹកដី Stamford Brigde។
ដោយឡែក សេចក្តីរាយការណ៍កាលពីថ្ងៃចន្ទ បានអះអាងថា កីឡាករ Febregas បានត្រៀមខ្លួនរួចរាល់ ក្នុងការចាត់វិធានការប្រឆាំងជាមួយ លោក Nevin បន្ទាប់ពីមានសេចក្តីអធិប្បាយរបស់គាត់ ប៉ុន្តែលោកបានអះអាងថា Fabregas ខ្លួនគាត់ផ្ទាល់ប្រហែលជាបានស្តាប់ច្រឡំហើយ ពោលគឺលោកគ្មានចេតនាធ្វើឲ្យប៉ះពាល់ដល់អតីតកីឡាកររបស់ក្លិប Arsenalម្នាក់នេះទេ។
លោក Nevin បាននិយាយប្រាប់វេបសាយរបស់ក្លិប Chelsea ថា នៅពេលដែលរឿងរ៉ាវបានចុះផ្សាយនៅលើទំព័រកាសែត កុំទាន់អាលឆាប់ជឿពេក ហើយលោកក៏គ្មានចេតនានិយាយបង្ខូចកេរ្តិ៍ឈ្មោះកីឡាករអេស្ប៉ាញម្នាក់នេះដែរ។ លោកក៏មិនបាននិយាយដែរថា កីឡាករ Fabregas ជាអ្នកធ្វើឲ្យអន្តរាយដល់អាជីពគ្រូបង្វឹករបស់លោក Jose Mourinho នោះទេ៕
លោក Pat Nevin ៖ កីឡាករ Fabregas មិនមែនជាអ្នកបំផ្លាញ លោក Mourinho ទេ
0 Comments