Ad Code

គណបក្ស​ប្រជាជន​កម្ពុជា​ សម្ដែង​ការគោរព​ដឹងគុណ​ ចំពោះ​មន្ត្រីរាជការ ចូល​និវត្ត​ជិត​១០០០​នាក់​នៅ​ខេត្តសៀមរាប

សៀមរាប ៖ ជាមួយនឹង​ការ​ប្រារព្ធ​អង្គ​មិទ្ទិញ អរសាទរ​ខួប​អនុស្សាវរីយ៍​ឆ្នាំ​ទី​៣៧ ទិវា​ជ័យជំនះ​៧​មករា​ នៅ​ខេត្តសៀមរាប ដែល​មាន​សមាជិក សមាជិកា​ ចូលរួម​ប្រមាណ​ជិត​៦,០០០​នាក់ ក្នុង​នោះ​មាន​មន្ត្រីរាជការ ចូលនិវត្តន៍​ប្រមាណ​ជា​ជិត ១,០០០​នាក់ ​ផង​ដែរ​បាន​ចូលរួម។


និវត្តជន​ទាំង​អស់​នេះ​ ត្រូវ​បាន​ទទួល​កិត្តិយស​ចូលរួម​ក្នុង​ពិធី​ដាច់ដោយឡែក​មួយ​ផ្សេងទៀត នា​ព្រឹ​ក​ថ្ងៃព្រហស្បតិ៍ ៧​មករា ឆ្នាំ​២០១៦​នេះ បន្ទាប់ពី​អង្គ​មិទ្ទិញ ​ត្រូវ​បាន​បញ្ចប់ និង​ក្រោយពី​គណៈអធិប​តី អញ្ជើញ​ត្រឡប់​មកពី​សួរសុខទុក្ខ​អ្នក​ជំងឺ​តាម​មន្ទីរពេទ្យ​នានា ក្នុង​ក្រុង​សៀមរាប​រួចមក។


នៅក្នុង​សេចក្តី​ថ្លែង​មតិ​សំណេះសំណាល​ដោយ លោក ឃឹម ប៊ុន​សុង ប្រធាន​គណៈកម្មាធិការ​បក្ស នៃ​គណបក្ស​ប្រជាជន​កម្ពុជា ​(​ខេត្តសៀមរាប​) បាន​បង្ហាញ​ឲ្យ​ឃើញថា គ្មាន​ពេលវេលា​ណាមួយ​ដែល​គណបក្ស​ប្រជាជន​កម្ពុជា បំភ្លេច​បានទេ​នូវ​រាល់​សកម្មភាព​របស់​មន្ត្រី​រាជការ​ចូល​និវត្ត ដែល​បាន​លះបង់​ពេលវេលា សតិបញ្ញា មនសិការ ដើម្បី​បម្រើ​ជាតិ និង​ប្រជាជន​កម្ពុជា​ស្ទើរ​ពេញ​មួយ​ជីវិត​របស់​ខ្លួន​នោះ​ឡើយ។ សមិទ្ធផល​ការងារ​របស់​និវត្តជន​ទាំងអស់ ត្រូវ​បាន​ប្រមូល​ផ្តុំ​ជា​ស្ពាន​ដ៏​រឹងមាំ សម្រាប់​ឲ្យ​ធនធានមនុស្ស​ជំនាន់​នេះ និង​ជំនាន់​ក្រោយៗ​ទៀត បន្ត​ធ្វើ​ដំណើរ​ក្នុង​មាគ៌ា​គោល​នយោ​បាយ​របស់​រាជរដ្ឋាភិបាល បំពេញភារកិច្ច​ការពារ​សមិទ្ធផល​៧​មករា នោះ​គឺ​កំណើត​ទី​២​នៃ​ប្រជាជាតិ​កម្ពុជា រួម​ទាំង​សន្តិភាព និង​ការ​អភិវឌ្ឍ។​


គួរ​បញ្ជាក់​ដែរ​ថា កម្មវិធី​ជួប​សំណេះសំណាល សម្ដែង​ការ​ដឹង​គុណ​ចំពោះ​មន្ត្រីរាជការ​ចូល​និវត្ត​គឺ​ត្រូវ​បាន​ធ្វើ​ឡើងជា​រៀង​រាល់​ឆ្នាំ ក្នុង​ពិធី​ប្រារព្ធ​ខួប​អនុស្សាវរីយ៍ ទិវា​ជ័យជំនះ​៧​មករា និង​ត្រូវ​បាន​ធ្វើឡើង​ជារឿយៗ នៅ​តាម​បណ្ដា​មន្ទីរ​អង្គភាព​ជុំវិញ​ខេត្ត៕



គណបក្ស​ប្រជាជន​កម្ពុជា​ សម្ដែង​ការគោរព​ដឹងគុណ​ ចំពោះ​មន្ត្រីរាជការ ចូល​និវត្ត​ជិត​១០០០​នាក់​នៅ​ខេត្តសៀមរាប

Post a Comment

0 Comments

Close Menu