ភ្នំពេញ ៖ ព្រះរាជាណាចក្រកម្ពុជា បានសម្តែងក្តីព្រួយបារម្ភយ៉ាងខ្លាំង ចំពោះប្រទេសកូរ៉េខាងជើង ដែលបានដំណើរការជាថ្មីម្តងទៀត នូវការសាកល្បងនុយក្លែអ៊ែរ ដែលជាការរំលោភយ៉ាងច្បាស់ទៅលើសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ នេះបើយោងតាមសេចក្តីថ្លែងការណ៍។
យោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិកម្ពុជា នៃព្រះរាជាណាចក្រកម្ពុជាចុះថ្ងៃទី០៨ ខែមករា ឆ្នាំ២០១៦ បានលើកឡើងថា “កម្ពុជាបានសម្តែងការព្រួយបារម្ភយ៉ាងខ្លាំង ដោយសាធារណរដ្ឋប្រជាមានិតប្រជាធិបតេយ្យកូរ៉េ បានដំណើរការជាថ្មីម្តងទៀត នូវការសាកល្បងនុយក្លែអ៊ែររបស់ខ្លួន កាលពីថ្ងៃទី៦ ខែមករា ឆ្នាំ២០១៦ ដែលជាការរំលោភយ៉ាងច្បាស់ទៅលើសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ។
នៅក្នុងសេចក្តីថ្លែងការណ៍របស់ក្រសួងការបរទេសកម្ពុជា បានឲ្យដឹងថា ការកើនឡើងនៃសកម្មភាពរបស់សាធារណរដ្ឋប្រជាមានិតប្រជាធិបតេយ្យកូរ៉េ បង្កការគំរាមកំហែងយ៉ាងធ្ងន់ធ្ងរដល់សន្តិភាព សន្តិសុខ និងស្ថេរភាពនៅក្នុងតំបន់។ ជាមួយគ្នានេះ កម្ពុជាការបានអំពាវនាវដោយទទូចដល់សាធារណរដ្ឋប្រជាមានិតប្រជាធិបតេយ្យកូរ៉េ ឲ្យគោរពតាមសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ ដែលពាក់ព័ន្ធទាំងអស់ និងកាតព្វកិច្ចអន្តរជាតិ និងការប្តេជ្ញាចិត្តរបស់ខ្លួនក្នុងការលុបបំបាត់នុយក្លេអ៊ែរនៅឧបទ្វីបកូរ៉េ៕
កម្ពុជាសម្តែងក្តីព្រួយបារម្ភចំពោះកូរ៉េខាងជើងដែលបានដំណើរការជាថ្មីនូវការសាកល្បងនុយក្លែអ៊ែរ
0 Comments