Ad Code

ភ្ញាក់ផ្អើល​ពេញ​ហ្វេ​ស​ប៊ុ​ក​ថា ឆៃ លីដា​ឡែ​ន ជួប​គ្រោះថ្នាក់​ចរាចរណ៍​

ភ្នំពេញ ៖ តារា​ចម្រៀង​និយម​បង្អួត​ដើមទ្រូង​អ្នកនាង ឆៃ លីដា​ឡែ​ន បាន​ធ្វើ​ឲ្យ​មហាជន​មានការ​រន្ធត់ចិត្ត​ និង​ភ្ញាក់ផ្អើល​យ៉ាង​ខ្លាំង​ បន្ទាប់ពី​រូបថត​នៃ​គ្រោះថ្នាក់​ចរាចរណ៍​ត្រូវ​បាន​គេ​យក​ទៅ​បង្ហោះ​ចែកចាយ​ពាសពេញ​បណ្ដាញ​សង្គម​ហ្វេ​ស​ប៊ុ​ក ដោយ​ស្តែង​ឲ្យ​ឃើញ​ថា នាង​បាន​ជួប​គ្រោះថ្នាក់​ចរាចរណ៍​នៅ​លើ​ដង​ផ្លូវ​ហូរ​ឈាម​ស្រោច​ពេញ​ផ្ទៃមុខ​មើល​ទៅ​គួរ​ឲ្យ​ខ្លាច។​


ថ្មីៗ​នេះ​នៅលើ​បណ្តាញ​សង្គម​យក្ស​ហ្វេ​ស​ប៊ុ​ក​ ត្រូវ​បាន​គេ​បង្ហោះ​រូបថត​បង្ហាញ​ពី​គ្រោះថ្នាក់​ចរាចរណ៍ ​ព្រមទាំង​សរសេរ​សារ​ភ្ជាប់​មកជា​មួយ​ថា ​ឆៃលី ដា​ឡែ​ន ជួប​គ្រោះថ្នាក់​ចរាចរណ៍។​ ក្រោយពី​ឃើញបែបនេះ​ បាន​ធ្វើ​ឲ្យ​អ្នកគាំទ្រ​ និង​អ្នក​និយម​លេង​បណ្ដាញ​សង្គម​មួយ​នេះ​មាន​ការ​ភ្ញាក់ផ្អើល​យ៉ាង​ខ្លាំង ​ក្រោយពី​បាន​ឃើញ​តារា​ស្រី​នាង​ ឆៃ លីដា​ឡែ​ន ជួបប្រទះ​ហេតុការណ៍​គ្រោះថ្នាក់​ចរាចរណ៍​ដ៏​គួរ​ឲ្យ​រន្ធត់។


បើ​ទោះ​ជា​រូបថត​បាន​ស្តែង​ឲ្យ​ឃើញ​ថា ​តារា​ចម្រៀង​ស្រី​អ្នកនាង ឆៃ លីដា​ឡែ​ន ជួប​គ្រោះ​ថ្នាក់ មាន​របួស​ឈាម​ស្រោច​ពេញ​ផ្ទៃមុខ​ក៏ពិតមែន ​តែ​ទន្ទឹម​ជាមួយគ្នា​នោះ​ ក៏មាន​មតិ​អ្នកគាំទ្រ​ និង​មិត្ត​ក្នុង​ហ្វេ​ស​ប៊ុ​ក​មួយ​ចំនួន​បាន​លើក​ជា​សំនួរ​ថា គ្រោះថ្នាក់​នេះ​គ្រាន់តែ​ជាការ​សម្តែង​ក្នុង​សាច់រឿង​ទេ ​មើលទៅ​វា​មិនមែនជា​ការពិត​ទេ។ មាន​ទស្សនិកជន​ជាច្រើន​ក៏​បាន Comment សួរ​ថា ជា​ការ​ពិត ឬក៏​ជា​សាច់រឿង ប៉ុន្តែ​បើទោះជា​មាន​សំណួរ​ចោទសួរ​ច្រើន​បង្កប់​ដោយ​ក្តី​បារម្ភ​ក៏ដោយ តែ​មិន​មាន​ប្រភព​ណា​បញ្ជាក់​ច្បាស់​ពី​ការពិត​ឡើយ​នោះ​ទេ​ ពោល​បាន​ត្រឹមតែ​ធ្វើ​ឲ្យ​អ្នកគាំទ្រ អន្ទះសា​រង់ចាំ​អ៊ុត​មើល​ចម្លើយ​តែប៉ុណ្ណោះ។


ឆ្លើយតប​ព័ត៌មាន​ខាងលើនេះ ​កាលពី​ម៉ោង​១០​និង​៤២​នាទី​ព្រឹក ​ថ្ងៃ​០៧​ ខែ​មករា ឆ្នាំ​២០១៦​តារា​ចម្រៀង​អ្នកនាង ឆៃ លីដា​ឡែ​ន បាន​បញ្ជាប់​ប្រាប់​កម្ពុជា​ថ្មី​ថា មិនមែន​ការពិត​ទេ​ នេះ​គ្រាន់តែ​ជា​ឈុត​សម្ដែង​រឿង​ដែល​ទើប​ថត​កាលពី​ពេល​ថ្មីៗ​កន្លងមកនេះ​ប៉ុណ្ណោះ​។​


មិន​ថា​តែ​ខាង​បង​នោះ​ទេ ​ដែល​បាន​ទូរស័ព្ទ​មក​សួរ​ខ្ញុំ​អំពី​រឿង​នេះ ​សូម្បីតែ​គ្រួសារ និង​មិត្តភ័ក្ដិ​ធ្លាប់​ស្គាល់​ ក៏​ទូរស័ព្ទ​មក​សួរ​ផង​ដែរ ​បន្ទាប់ពី​ត្រូវ​បាន​ឃើញ​រូប​នេះ​បង្ហោះ​ចែកចាយ​លើ​ហ្វេ​ស​ប៊ុ​ក។​


អ្នកនាង ឆៃ លីដា​ឡែ​ន បាន​បន្ថែម​ថា ដើម្បី​កុំ​ឲ្យ​ទស្សនិកជន​មានការ​សង្ស័យ​ ឬ​ព្រួយ​បារម្ភ​ទៀត​ តាមរយៈ​កម្ពុ​ជាថ្មី​ខ្ញុំ​សូមបញ្ជាក់​ម្តង​ទៀត​ថា រូបថត​នៃ​គ្រោះថ្នាក់​នេះ​ គ្រាន់តែ​ការ​សម្តែង​ក្នុង​សាច់រឿង វិស្សមកាល​មរណៈ​របស់​ផលិតកម្ម​ចក្រ​វ៉ាល ពេជ្រ​ ដូច្នេះ​កុំ​មាន​ការយល់​ឡំ​បន្តទៀត។​នាង​ខ្ញុំ ​ក៏​អរគុណ​ចំពោះ​ការ​ព្រួយ​បារម្ភ​ពី​សំណាក់​បងប្អូន​ទស្សនិកជន​គាំទ្រ​ខ្លាំង​ណាស់​៕
Pisey-2016-01-07-full-E20
Pisey-2016-01-07-full-E27




ភ្ញាក់ផ្អើល​ពេញ​ហ្វេ​ស​ប៊ុ​ក​ថា ឆៃ លីដា​ឡែ​ន ជួប​គ្រោះថ្នាក់​ចរាចរណ៍​

Post a Comment

0 Comments

Close Menu